Georgia

No. of :

No. of Shares:

Currently viewed by: Marcus Rosit

Aklan ginrekognisar nga pinaka 'competitive' nga probinsya sa WV

KALIBO, Aklan (PIA) --  Ginkilaea ro probinsya it Aklan sa ginpatigayon kurundaya eamang nga 6th Regional Cities and Municipalities Competitive Index (CMCI) Awards for Competitive LGUs bilang pinaka "competitive" nga probinsya sa bilog nga Western Visayas.

Raya nga pagkilaea hay gin organisar it National Economic Development Authority (NEDA) ag Department of Trade and Industry (DTI).

Ro CMCI hay dag-unan nga pag rangko it mga siyudad ag banwa sa nasyon it National Competitive Council (NCC) paagi sa Regional Competitive Committees (RCCs) sa pag asister it United States Agency for Internal Development.

Ro Sangguniang Panlalawigan Building it Aklan kon siin ginabaeay ro mga laye ag sueundanon nga nakabulig nga mangin 'Most Competitive' ro Aklan

Euwas sa probinsya, pito  nga mga banwa sa Aklan ro ginrekognisar man sa nasambit nga okasyon sa sari-saring rangko ag kategorya.

Ro banwang Kalibo nga kabisera it Aklan hay gin rekognisar bilang Most Competitive LGU sa 1st ag 2nd class nga mga kabanwahunan sa Rehiyon 6 ag nagpanguna man ra sa Economic Dynamism sa 1st ag 2nd class nga mga banwa, ag parehog nangin pangatlo sa  Infrastructure Pillar ag Innovation Pillar sa 1st ag 2nd class nga banwa.

Ro banwang Malay hay nangin pangaywa sa Infrastructure and Resiliency Pillars sa 1st ag 2nd class nga banwa ag pangatlo sa Government Efficiency LGU sa 1st and 2nd class nga banwa sa rehiyon.

Ro Tangalan hay nagpangaywa sa Infrastructure sa 5th ag 6th class nga banwa ag pangatlo sa Innovation Pillar, samtang ro Ibajay hay parehong nagpanguna sa Economic Dynamism ag Most Improved LGU sa 3rd ag 4th class nga banwa sa rehiyon.

Ro banwang Makato hay pangatlo bilang Most Improved LGU sa 3rd ag 4th class nga banwa.

Ginhiwat ro awarding program sa Park Inn by Radisson Hotel sa Iloilo City.

Ro Aklan hay may 17 nga mga kabanwahuna ag euwas sa Kalibo, ro ibang mga banwa nga gin rekognisar hay tanan sa ikaywa nga distrito it probinsya. (JBG/VGV/PIA6 Aklan)

About the Author

Venus Villanueva

Writer

Region 6

Feedback / Comment

Get in touch