CAGAYAN DE ORO CITY (PIA)--Gilusad dinhi sa Bureau of Internal Revenue (BIR)-Region 16 ang kampanya sa buhis karong tuiga ubos sa tema nga "Tulong-tulong sa Pagbangon, Kapit Kamay sa Pag-ahon. Buwis na Wasto, Alay Para sa Pilipino."

"This tax campaign is conducted every year to encourage individuals and businesses to comply with tax laws and regulations as well as to raise awareness about tax obligations," ingon ni Revenue Region 16 Director Emir U. Abutazil.

[Kini nga kampanya sa buhis gihimo matag tuig aron madasig ang mga indibidwal ug negosyo sa pagsunod sa mga balaod ug regulasyon sa buhis ingon man sa pagpataas sa kahibalo bahin sa mga obligasyon sa buhis.]

Gihangyo usab niya ang mga kauban nga ahensya ug negosyo nga moapil sa paningkamot aron ang mga tawo responsableng magbayad sa ilang buhis.

Ang Chinese Chamber of Commerce ug mga local government units sa Cagayan de Oro ug Misamis Oriental misuporta sa kampanya ug mipirma og saad nga suportahan ang mga programa ug inisyatibo sa BIR para sa 2023.

"The business sector is very supportive of BIR; we appreciate the programs of the BIR, especially on digitalization," matod ni Raymundo Talimio Jr., presidente sa CDO Chamber and Commerce Industry Foundation Inc.

[Ang sektor sa negosyo dako kaayog suporta sa BIR; mapasalamaton kami sa mga programa sa BIR, ilabina sa digitalization.]

Ang paggamit sa BIR sa online platforms sama sa eRegistration (eReg), Electronic Bureau of Internal Revenue Forms (eFPS), Electronic One-Time Transactions (eONNET), ug ePayment Channels (ePAY) naghimo sa mga transaksyon nga mas sayon ug mas episyente alang sa publiko.

Gihisgotan usab sa kampanya ang lainlaing mga butang nga gihimo sa BIR aron mahunong ang pagpanikas ug paglikay sa buhis, sama sa mga operasyon sa pagpatuman sa pamatigayon batok sa mga tawo nga namaligya sa mga ilegal o dili rehistrado nga sigarilyo sa nasud. (APB/PIA-10)