CAMIGUIN (PIA)--Gitugotan na nga makasulod sa probinsiya ang mga wala pa nabakunahan nga mga bisita alang sa kalingawan o importanteng katuyoan sugod Marso 17, 2023, pinaagi sa Executive Order No. 15B

“Karon wala nay pili, whether for leisure, for tourism, or for work or other essential purposes, unvaccinated pwede na ka musulod gyud dinhi sa province and enjoy the province,” matod ni Gov. Xavier Jesus Romualdo atol sa Padayong Pagserbisyo Alang sa Katawhan (PPASK) nga programa sa radyo, Marso 16.

Kini, human sa pakighinabi sa mga hingtungdan nga ahensya ug departamento sa probinsya ang COVID-19 vaccination rate, nga anaa na sa 111.7% alang sa fully vaccineted nga mga indibidwal.

Magkinahanglan lang ang lokal nga kagamhanan og negatibong antigen swab test nga resulta sa mga tawo nga wala pa nabakunahan. Kini nga pagsulay kinahanglan buhaton dili molapas sa duha ka adlaw sa wala pa moabut ang usa ka tawo sa probinsya. Ang antigen test kinahanglan usab nga himuon sa usa ka accredited nga pasilidad sa Department of Health (DOH).

Giklaro ni Romualdo nga ang kagamhanang probinsiyal dili modawat o mokonsiderar sa self-administered antigen tests.

Gikan sa naunang kinahanglanon sa pagbakuna sa mga bata nga nag-edad og 5-11 anyos, ang bag-ong EO karon nagtugot sa mga bata nga wala pa nabakunahan sa nahisgutang edad nga makasulod sa probinsiya. Kini human gitumbok nga wala pa mahatag ang pagbakuna sa maong grupo sa edad sa ubang nasud.

Alang sa mga bata nga nag-edad og 12 ngadto sa 17 nga wala pa nabakunahan, ang LGU magkinahanglan lamang og negatibong antigen swab test.

Paggamit sa CleanCamiguin QR

Ang CleanCamiguin QR, nga ma-access pinaagi sa www.cleancamiguinqr.com, gikinahanglan gihapon gikan sa mga bisita ug lokal.

Hinuon, gipauswag sa kagamhanang probinsiyal ang plataporma, nga mas sayon karon nga tubagon. Gawas sa batakang impormasyon nga gikinahanglan, ang mga biyahedor aduna nay opsyon sa pag-klik sa ilang kasamtangang COVID-19 vaccination status.

Ang mga tawo nga nabakunahan kinahanglan pa nga mag-upload sa ilang ID sa pagbakuna, apan ang mga biyahero nga wala pa nabakunahan dili kinahanglan nga mag-upload sa ilang negatibo nga resulta sa pagsulay sa antigen.

Matud pa ni Romualdo nga ang QR code system gamiton gihapon, dili lang isip contact tracing tool, kon dili makatabang usab kini sa pagpalambo ug paglambo sa turismo sa probinsiya. Matod pa niya nga ang sistema makatabang sa LGU nga mahibal-an kung pila ang mga tawo nga moadto sa Camiguin, nga magpadayon nga lig-on ang kapasidad sa pagdala sa isla.

Ang ubang mga ahensya ug mga tag-iya sa negosyo mahimo usab nga mangayo alang sa usa ka summary sa datos gikan sa QR system aron ilang mapauswag ang ilang mga serbisyo o plano alang sa ilang mga kliyente o kustomer.

Gamiton usab kini alang sa katuyoan sa seguridad, partikular sa pagmonitor sa pagsulod sa mga "dili maayo nga elemento" sa probinsya.

Sa data privacy, si Romualdo niingon nga nagtukod sila og mekanismo diin pipila lang ka awtorisado nga indibidwal ang maka-access sa datos. Agi usab kini sa pagsunod sa balaod sa pagkapribado sa datos. (RTP/PIA-10/Camiguin)