TAGBILARAN CITY, Bohol, March 15 (PIA) -- Pormal nga itugyan ni Department of Agrarian Reform Secretary Conrado Estrella III ang duha  ka 50 caballos nga 4-wheel drive nga mga tractor ngadto sa nga Agrarian Reform Beneficiaries sa Bulilis Ubay ug sa Cagawasan Dagohoy sa pagbisita sa kilihim dinhi, karong Pebrero 21.

Gawas sa pagtugyan sa mga makinarya nga gitumong aron sa pagpa-usbaw sa ani ug kita sa mga mag-uuma nga anaa sa Agrarian Reform Communities sa Bohol, itugyan usab niini ang mga electronic titles sa mga nasipak na nga Certificates of Land Ownership Agreements (CLOA) nga kanhi gitugyan sa mga kahugpungan nga nakabenepisyo sa programa sa Comprehensive Agrarian Reform Program (CARP).

Dumalahon ang pagtugyan ni Jennet Oporto, sa DAR, samtang saksihan sa mga pinasidunggang dinapit.

Ang pagkasipak sa ilang mother titles nga karon dawaton na sa mga individual title holders, nahimong possible dala sa Project Support for Parcelazation of Lands for Individual Titles (SPLIT), nga karon gipatuman na sa Bohol.  

Kini samtang gihan-ay na sa DAR Bohol Provincial Office ang usa  ka programa diha  sa Bohol Cultural Center sa buntag nianang petsa 21 sa Pebrero, alang sa kalihukan sa kalihim, kinsa moanhi sa Bohol sa labing unang higayon human siya matudlo nga mangulo sa DAR.

Kauban ni Kaligim Estrella sa iyang opisyal nga pagtanda sa Bohol mao ang unom ka undersecretaries uban sa Bol-anon nga kanhi hepe sa National Bureau of Investigation ug karon Usec sa DAR Legal Office nga si Virgilio Mendez.

Kauban nila sila Undersecretaries Kazel Celeste, Napoleon Galit, Milagros Isabel Cristobal, Jeffrey Gala ug Jersy Palmares.

Moanhi usab sila Assistant Secretaries Joey Sumatra, Marjorie Ayson, Ubaldo Sadiarin Jr. ug silang Director Cleon Lester Chaves lakip na ang nasudnong DAR Employees Association national President nga si Edna Rota.

Moanhi usab sio DAR Regional Director Leomides VIllareal, matud pa ni DAR Bohol Provincial Agrarian Reform Officer Dr. Ronald Pumatong.

Gipaabut usab nga tambongan ug duyogan ang kalihim sa mga opisyales sa Bohol pinangulohan ni Gob Erico Aristotle Aumentado, mga Kongresista ung mga local nga opisyales sa DAR PARFO. (RAHC/PIA7 Bohol/MLDB)