Si Vice Governor Edgar Denosta, nga nagapamuno kang  Committee on Agriculture and non-government organizations kang Sangguniang Panlalawigan, nagdayaw dya nga programa kang ACPC para mataw-an ka ti-on nga mabalita ang mayad nga practices sa agrikultura sa probinsya.

Si Regional Information Officer Earl James Ogatis kang Department of Agriculture nagpa-athag kang agriculture situation report ka Rehiyon 6 kag ginhambal na nga raku ang suplay kang bugas sa Antique samtang kinahanglanun pa ang pagpananum kang mga laswa sa datag.

Samtang, si Corazon Buala nga DA6 Public Relations Officer nagpa-athag tuhoy sa importansya kang pagsulat ka istorya pang-agrikultura sa panan-awan ka Development Communication agud madugangan pa gid ang ihibalo kang mga katawahan kang anda importante nga konribusyon sa kamapanaya kang siguridad sa pagkaun kag mayad nga palibot.

Gindayaw man ni Vice Governor Denosta and amo nga lihuk para magiyahan ang mga lokal nga mamahayag kang pagsulat nga balance kag magaduso kang women empowerment kag gender sensitivity.

Sa bahin man ni  ACPC President Annabel Petinglay, naghambal nga ang ACPC magapadayon nga mangin partner kang Provincial Government sa idalum kang pagpanguna ni Governor Rhodora Cadiao , Office of the Lone District Representative Antonio Agapito Legarda, mga lokal nga pamunuan kang mga ahensya kang gobyerno sa pagpalapnag kang mayad nga impormasyon.

Gindugang hambal ni Petinglay nga ang ACPC magahiwat na kang regular nga paghanas para sa mga miembro angud