KALIBO, Aklan (PIA) --  Igalunsar sa probinsya it Aklan ro programa nga Buhay Ingatan Droga’y Ayawan (BIDA) sa Abril 26 kon siin pagapangunahan ra ni Department of the Interior and Local Government (DILG) Sec. Benjamin Abalos, Jr..

Pagahiwaton ro paglunsar sa ABL Sports Complex sa Kalibo, Aklan nga paga partisiparan it mga representante it mga organisasyon it mga batan-on, mga miyembro it Municipal ag Barangay Anti-Drug Abuse Council (M/BADAC), mga advocacy support groups, Persons Who Used Drugs (PWUDs), mga hepe it mga kapulisan, mga fire marshals it tanan nga kabanwahunan sa Aklan, mga empleyado it Dr. Rafael S. Tumbokon Memorial Hospital (DRSTMH), mga estudyante sa arkitektura it Aklan State University (ASU) , mga manugturo it Kalibo Pilot Elementary School (KPES), ag mga empleyado it DILG-Aklan sa pagpamuno ni Provincial Director Dino A. Ponsaran.

pagpakita it abilidad nanda, Hinun-anon sa Kampanya Kontra Droga sa ABL Sports Complex, Inagurasyon it Baeay It Pagbag-o it Kalibo sa Brgy. Nalook, pagbisita sa BJMP ag paghiwat it drug testing, press conference kaibahan ro media, ag pagdeklarar it DRSTMH bilang “drug-free” workplace.

Ro BIDA, suno sa DILG-Aklan hay sangka “medium to long term” nga programa sa kampanya kontra ilegal nga droga ag sangka pangkabilugan nga tikang sa pagtapna it pageapnaag it ilegal ag delikado nga droga. (JBG/VGV/PIA6 Aklan)