Karagdagang Regional Training Center ng PCG, itatayo sa Brooke's Pt.

PUERTO PRINCESA, Palawan (PIA) -- Itatayo sa bayan ng Brooke's Point, partikular sa Barangay Samariñana, ang karagdagang Regional Training Center (RTC) ng Philippine Coast Guard (PCG).

Isinagawa ang groundbreaking ceremony nito kamakailan sa pangunguna nina Governor Victorino Dennis M. Socrates, Commodore Roben N. De Guzman, Deputy Commander ng Coast Guard Education Training and Doctrine Command, at Brooke's Point Mayor Cesareo R. Benedito Jr.

Ito na ang pinakamalaking proyekto ng Philippine Coast Guard sa probinsiya na inaasahang makahihikayat ng mas maraming Palaweño na sumanib sa serbisyo at maglingkod sa bayan.

Sa mensahe ni Gov. Socrates, sinabi nito na malaki ang magiging ambag ng pagkakaroon ng Regional Training Center sa Palawan hindi lamang sa ekonomiya ng lalawigan kundi magiging bentahe aniya ito sa mga Palawenyong nagnanais maging kasapi ng Coast Guard.

Delete

Ayon naman kay Mayor Benedito, suportado ng pamahalaang lokal ang nasabing training center kung kaya't naglaan ng pondo at lupa ang LGU para sa pagpapatayuan nito at umaasa ito na maraming oportunidad ang mabukbuksan para sa mga mamamayan ng Brooke's Point.

Kasama rin sa nasabing aktibidad sina Commodore Rommel Supangan na Commander ng Coast Guard Human Resource Management Command, at Coast Guard District Palawan Commander CG Capt. Dennis Rem Labay, at Brooke’s Pt. Vice Mayor Mary Jean Feliciano. (OCJ/PIA-MIMAROPA, Palawan)

Edit Delete

Karagdagang Regional Training Center ng PCG, itatayo sa Brooke's Pt.

Karagdagang Regional Training Center ng PCG, itatayo sa Brooke's Pt.

Karagdagang Regional Training Center ng PCG, itatayo sa Brooke's Pt.