TAGBILARAN CITY, Bohol, April 27 (PIA) -- Ang Department of Health (DOH) padayon nga nagpahinumdom sa publiko nga magbinantayon sa mga impormasyon nga gipaambit ug tinubdan sa impormasyon gikan sa mga inila nga tinubdan sama sa opisyal nga mga plataporma ug mga pahina sa departamento, ubang mga ahensya ug institusyon sa nasudnong gobyerno, ingon man mga nailhan nga mga news outlets ug uban pa.

Giklaro sa departamento nga ang kasamtangang Alert Level System (ALS) padayon pa nga gituki pinaagi sa Inter-Agency Task Force (IATF), ug ang DOH kaniadto nirekomendar nga kining mga alert level susama sa mga pasidaan sa bagyo ug usa ka guidance system sa umaabot.

Ilang giklaro nga kadtong ubos sa Alert Level 1 nagpasabot nga ang mga restriksyon magpabilin nga anaa sa status quo.

Ang ALS nagpadayon sa paghatag ug giya alang sa matag Pilipino pinaagi sa mga rekomendasyon sa IATF nga gipadala ngadto sa Office of the President, kini aron matag usa makasangkap sa ilang kaugalingon sa mas maayong hut-ong sa proteksyon batok sa COVID-19.

Dugang pa, ang mga local government units adunay hurisdiksyon sa pag-require sa pipila ka health protocols sa ilang mga komunidad pinaagi sa local ordinance.

Ang DOH nag-awhag sa publiko sa pagkuha sa impormasyon gikan lamang sa mga lehitimong tinubdan ug plataporma, pinaagi sa mga link ug social media nga gidumala sa departamento. (ECB/PIA7 Bohol)