SAN JOSE, Antique (PIA) -- May dugang ron nga baraklan kang nagkalain-lain nga produkto lokal ang mga turista kag biyahero rugya sa liwan nga pagbukas sa publiko kang Produkto Antiqueño One Town, One Product (OTOP) Hub Pasalubong Center.

Tuyo tugruan oportunidad ang mga Antiqueño nga negosyate nga ibaligya ang anda mga produkto, ang pasalubong center una nga ginbuksan kang 2015 pero temporaryo nga ginsara kang Disyembre 2022 para sa renovation kag expansion kang building.

Senate President Pro Tempore Loren Legarda nga tagasuporta kang micro, small, kag medium enterprises (MSMEs) kaimaw si Cong. Antonio Legarda, Jr.

Ang pasalubong center kadya ang mas ginpanami kag may mini-coffee area kag mini-boutique ron sa ground floor, samtang ginreserba duman ang 2nd floor para sa storage kag, sa urihi, potensyal nga burutangan kang dugang nga mga produkto halin sa iban pa nga mga negosyante.  

Ginalauman ang dya nga pasalubong center nga magadara kang dugang nga kita ukon benta sa mga negosyante bangod sa ana lokasyon nga marapit sa intermodal passenger terminal nga nahamtang sa Antique Tourism, Trade, and Investment Forum (ATRIUM) sa banwa kang San Jose.

Nagpasalamat man si Juayang sa gobyerno lokal kang San Jose de Buenavista sa idalom ni Mayor Elmer Untaran, iban pa nga mga opisyal kag mga opisina kang gobyerno nga nagbulig sa pagkid-an kag pag-improbar kang pasalubong center. (AGP/BPS/PIA Antique)