BAYOMBONG, Nueva Vizcaya (PIA) - - Maayatan nga inawat dagiti mannalon ti probinsiya dagiti makinaraya nga inted ti Department of Agrarian Reform (DAR) kas tulong tapno maingato pay ti produksyon ken kitaenda.

Indaulwan ni Undersecretary Atty. Kazel  Celeste ken Assistant Secretary Atty. Marjorie  Ayson ti panangited ti  makinaraya a para kadagiti Agrarian Reform Beneficiaries Organizations (ARBOs) ti Nueva Vizcaya sadiay Cauayan City.

Sigun kenni DAR Regional Director Primo Lara, dagiti ARBOs nga immawat ti Villaverde Development Cooperative (VDC)  iti 4-wheel drive Tractor agraman dagiti pasurotcna nga accessories nga aggatad P1.9 million.

"Dagitoy nga makinarya ket mangted tulong kadagiti mannalon tapno maingato ti produksiyonda ket mailako dagitoy tapno ngumato met ti kalidad ti panagbiagda,” kinuna ni Lara.

Kinuna na pay nga inawat met ti Barangay Paitan Farmers Irrigators Association (BPFIA) ti maysa nga Combine Harvester nga aggatad met laeng ti  P1.9 million.

Innayunpay ni Lara nga dagiti makinarya  nga naited ket manipud ti programa ti ahensiya nga  Sustainable and Resilient Agrarian Reform Communities through Agrarian Reform Fund (SRARCARF). (OTB/BME/ PIA NVizcaya)