DAVAO CITY (PIA) -- Gumikan sa pag-abri sa bag-ong extension office sa Commission on Filipino Overseas (CFO) sa Davao City, ang mga emigrante gikan sa Mindanao aduna na’y mas sayon nga pag-access sa frontline pre-departure services sa Commission on Filipinos Overseas (CFO).
Pinasikad sa Batas Pambansa numero 79 nga gi-establisar niadtong June 16, 1980. Ang maong ahensya, ubos sa Opisina sa Presidente, gitahasan sa pagpasiugda ug pagsuporta sa mga interes, katungod, ug kaayuhan sa mga Filipino nga emigrante ug pagpalig-on sa ilang relasyon sa ilang yutang natawhan.
Matud pa ni CFO Migrant Integration and Education Division director Ivy Miravalles nga ang buhatan sa CFO-Davao City nahimutang sa Unit 309, 3rd Flr, Pink Walters Bldg., Quimpo Blvd., Ecoland, Davao City, ug abri magsugod karong May 22, 2023.
Gi-awhag ni Dir. Miravalles ang publiko ilabina niadtong mo-atindar alang sa Pre-Departure Orientation Seminar (PDOS) ug Guidance and Counseling Program (GCP) nga sa gihapon sundon ang by appointment nga sistema.
Hinuon kung ugaling senior citizens ug buntis dawaton ug tagaan oug prioridad apan kailangan magpakita og medical certification ug PWD ID alang sa mga PWD ug sa mga nag-edad ug 12 pa-ubos. (ETIsidro/PIA XI)
