Georgia

No. of :

No. of Shares:

Currently viewed by: Marcus Rosit

Banwang Altavas patindugan it ‘VCO-based coco oil’ processing center

KALIBO, Aklan (PIA) -- Sangka “groundbreaking ceremony” ro ginpatigayon kurundaya eamang sa Man-up, Altavas, Aklan sa pagtukod it sangka Virgin Coconut Oil (VCO) Processing Center nga sangka pasilidad it Coconut Farmers and Industry Development Plan (CFIDP).

Rayang igabutang nga pasilidad nga iga-operar it Man-up Multi-Purpose Cooperative hay konsepto it Philippine Center for Postharvest Development Mechanization (PHilMech) nga may mandato nga pamunuan ro programa sa “Integrated Coconut Processing it Downstream Products.”

Suno kay Engr. Andres Tuates, Jr. it BioProcess Engineering Division it PHilMech, ro pasilidad hay nagabalor it P17milyones kon siin raya hay maka-proseso it limang libo (5,000) nga mga niyog kada adlaw kon raya eon hay maga-operar.

Dugang pa gid nana, ro mga niyog nga bakeon it kooperatiba hay pagataasan it piso ku sa naga eksister nga presyo sa baealigyaan.

Ginhambae pa gid nana nga pagtukod it nasambit nga Coconut Shared Processing Facility  (CSPF) sa Aklan hay magapabahoe it potensyal it industriya it niyog sa probinsya ag magadugang man it balor sa industrya paagi sa pag-inobar it iba pang produkto halin sa VCO nga magatanyag it mas mayad-ayad sa eawas nga pangeaha kumpara sa ibang ginabaligya.

Ginhambae man nana nga rayang proyekto hay makabenifisyo bukon eamang sa 168 nga mga miyembro it kooperatiba kundi sa may mga kanyugan sa banwa it Altavas.

Ro pasilidad hay may kaibahan man nga mga kagamitan pareho  it “manual dehusker" “coconut water extractor”, 

Nagapreparar ro sari-saring representante it mga lokal nga upisina ag ahensya sa rehiyon ag sa probinsya para sa Groundbreaking Ceremony it pagpatindog it sangka VCO-based Processing Center sa Man-up, Altavas, Aklan.

“holding tank for cocowater”, “deshelling machine” ag iba pa.

Samtang, sa mensahe nga ginpaabot ni mayor Denny Refol it Altavas, nagpasaeamat imaw sa sari-saring mga ahensya it gobyerno nga naghumpong ku andang mga kapasidad ag abilidad sa pagtukod it nasambit nga proyekto pareho ku Agricultural Training Institute, Department of Agriculture, Technical Education and Skills Development Authority, Department of Science and Technology, Department of Trade and Industry, Land Bank of the Philippines, ag iba pa.

Ginpadumdum man nana ro mga Altavasnon nga magtanum it niyog agud tayuyon ro pag operar it processing center.

Ro iba pang mga personalidad nga nagtambong sa groundbreaking hay sanday Emmanuel Soviet Russia Dela Cruz it Office of the Provincial Agriculturist nga nag representar kay Governor Jose Enrique Miraflores, Sangguniang Panlalawigan member Apolinario Cleope nga nag representar kay Cong. Carlito Marquez it primerong distrito, Roy Peralta it PCA Central Office, ag Neil Melencion, Regional Manager III it PCA Region 6.

Gintapos ro programa paagi sa pagtao it Certificate for CFIDP-SPF kay Nita Payba, Chairperson it Man-up MPC, ag pagpirma it Pledge of Commitment it tanan nga mga ahensya nga maga-implementar it proyekto. (AGP/VGV/PIA Aklan)

About the Author

Venus Villanueva

Writer

Region 6

Feedback / Comment

Get in touch