No. of :

No. of Shares:

Currently viewed by: Marcus Rosit

  1. Home
  2. News
  3. El Niño Task Force kang Antique liwan nga ginbuhi

El Niño Task Force kang Antique liwan nga ginbuhi

Write a comment

Delete

SAN JOSE, Antique (PIA) -- Ginpirmahan ni Governor Rhodora J. Cadiao kang nagligad gid lamang ang Executive Order (E.O.) No. 85, S. 2023 nga liwan nga nagabuhi sa El Niño Task Force kang probinsya.

Ginsaysay ni Gov. Cadiao sa nasambit nga E.O. nga kinahanglan pasangkaron ang koordinasyon kang mga ahensya kag opisina kang gobyerno sa pagbuhat kag pag-implementar kang mga tikang para mahagan-hagan ang epekto kang El Niño sa Antique.

Delete

Ang sektor kang agrikultura ang sara sa mga ginalantaw nga makaagom kang bahol nga kapirdihan kag posible gid nga makaapekto sa suplay kang pagkaon.

Para mahagan-hagan ang epekto kang El Niño, ginamanduan ang Task Force nga mag-ubra kang disaster mitigation and preparedness plan kag magpatigayon kang information campaign para ipamaan sa publiko kung ano ang El Niño kag kung paano sanda makabulig para malikawan ang bahol nga kahalitan.

Si Gov. Cadiao ang nagapungko nga chairperson kang Task Force kag ang Provincial Agriculturist bilang 

Delete

co-chairperson, samtang miyembro man ang Provincial Disaster Risk Reduction and Management Office (PDRRMO), Provincial Planning and Development Office (PPDO), Environment and Natural Resources Office (ENRO), kag Provincial Information Office (PIO).

Parte man kang Task Force ang mga national government agencies pareho kang National Irrigation Administration (NIA), Department of Social Welfare and Development (DSWD), Department of Trade and Industry (DTI), Department of Agrarian Reform (DAR), National Food Authority (NFA), kag Philippine Information Agency (PIA).

Delete

Gina-agda man kang Executive Order ang mga munisipyo nga magbuhat kang anda kaugalingon nga El Niño Task Force para sa pareho nga katuyuan.

Sa sangka press statement, ginhambal kang Philippine Atmospheric, Geophysical, and Astronomical Services Administration ukon PAGASA nga may 80% nga tsansa nga madayun ang El Niño sa tunga kang mga bulan kang Hulyo kag Setyembre 2023.

Dugang pa kang PAGASA, kinahanglan nga mag-uligmat kag magpreparar ang publiko kag mga lokal nga gobyerno kay ginapaabot nga magapadayon ang El Niño hasta sa una nga tatlo ka bulan kang 2024. (AGP/BPS/PIA Antique)

About the Author

Bernard Ceasar Susbilla

Information Officer I

Region 6

Electronics Engineer/Writer

Related News

Feedback / Comment

Get in touch