Ang KALAHI-CIDSS ay isa sa mga programa ng pamahalaan ng Pilipinas para mapagaan ang kahirapan na ipinatupad ng Department of Social Welfare and Development (DSWD). Layunin nito na labanan ang kahirapan sa pamamagitan ng pagbibigay-lakas sa mga komunidad upang maging aktibong bahagi sa kanilang sariling pag-unlad.

Sa isang makasaysayang seremonya noong Agosto 25, ipinaabot ni Ginang Maribeth T. Tamak, Chairperson ng Barangay Development Council (BDC), ang pasasalamat para sa pagpapatupad ng isang matagal nang hinihintay na pagsisikap.

“Pasalamat mi sa KALAHI-CIDSS kay masugdan na gayud ang among dugay na gipangandoy na solar dryer para sa mag-uuma sa Barangay Laperian (Nagpapasalamat kami sa KALAHI-CIDSS dahil nasimulan na ang matagal naming inaasam na solar dryer para sa mga magsasaka sa Barangay Laperian),” aniya.

Ang okasyon ay nagtakda ng opisyal na pagsimula ng proyektong solar dryer na may kasamang mini storage na may kabuuang halaga na Php 1,042,198.68.

Bukod dito, ang inisyatibo ng KALAHI-CIDSS ay pinalawak pa sa iba pang mga proyekto. Isang Barangay Health Station ang inilunsad sa Barangay Buenasuerte, samantalang ang pagkokonkreto ng daanan ay nagsimula na rin sa Barangay Lower Bayao.

Pinuri ni Mayor Macario V. Tingson ang kahalagahan ng mga inisyatibong ito. “Markahan natin ang araw na ito bilang isa pang hakbang sa pagkamit ng community empowerment sa pamamagitan ng community-driven development,” aniya ng alkalde.