MANILA, Aug. 30 (PIA) -- Giaprobahan sa Department of Budget and Management (DBM) ang pagmugna og 5,000 ka non-teaching positions sa Department of Education (DepEd).
Matud pa sa usa ka pahayag ni DBM Kalihim Amenah Pangandaman, kini aron mahatagan og igong manpower ug suporta ang mga magtutudlo sa paghatag og dekalidad nga pagtudlo sa mga tinun-an.
Si Pangandaman nagkanayon nga ubos sa liderato ni Bise Presidente ug concurrent DepEd Kalihim Inday Sara Duterte, ang DepEd nipagawas og roadmap—ang MATATAG Agenda. Giingong makita dinhi kun unsa ang mga kinahanglang sulbaron bahin sa mga building, magtutudlo, pasilidad, ug uban pa.
Gipasabot niini nga ang 5,000 ka mga non-teaching positions naglangkob sa 3,500 ka mga posisyon sa Administrative Officer (AO) II nga gitumong sa pagtangtang sa mga magtutudlo sa mga bulohaton sa administratibo nga nagsuporta sa mga operasyon ug 1,500 ka mga posisyon sa Project Development Officer (PDO) I nga motabang sa mga AO II ug uban pang non-teaching personnel pinaagi sa pagpatuman. sa mga programa, proyekto ug aktibidad nga gipangunahan sa mga tunghaan o gimando sa DepEd Central Office.
Ang posisyon nga AO II ug PDO I makadawat og basic salary nga nagkantidad og P27,000 (SG-11) base sa Fourth Tranche Monthly Salary Schedule for Civilian Personnel sa National Government.
Ang naaprobahan nga positions ipakatap sa Schools Division Offices (SDOs) sa mosunod nga mga rehiyon: Cordillera Administrative Region (CAR), CARAGA, National Capital Region (NCR), Regions I, II, III, IV-A, IV -B, V , VI, VII, VIII, IX, X, XI, ug XII.
Matud pa nga ang gikinahanglan nga pondo alang sa mga filled positions gikan sa mga gimugnang position items kuhaon gikan sa Miscellaneous Personnel Benefits Fund (MPBF) ubos sa FY 2023 General Appropriations Act (GAA), samtang ang Retirement ug Life Insurance Premium maggikan sa Automatic Appropriations. (ECB/PIA7 Bohol)
