LUNGSOD NG CALAPAN, Oriental Mindoro (PIA) -- Handa nang umarangkada ang Zero Illiteracy Program ng Pamahalaang Panlalawigan na naglalayong agapayan ang mga katutubo sa mga kabundukan, at mga tagalog sa kapatagan na hindi maiwanan pagdating sa edukasyon.
Kaugnay nito, sumailalim ang 90 na mga guro mula sa iba't-ibang bayan ng lalawigan sa isang oryentasyon na pinangunahan ng Education and Employment Services Division (EESD).
Nagbigay naman ng ilang mahahalagang alituntunin si EESD Officer Antonio Magnaye Jr. sa mga guro na sasailalim sa programa. Dagdag pa nito, na ang kanilang gagampanang tungkulin na tulungang makabasa at makasulat ang mga ito ay inaasahan na makatutulong sa pag-unlad ng lalawigan.
