No. of :

No. of Shares:

Currently viewed by: Marcus Rosit

DILG mopahigayon og 'Kwentong Tagumpay' pag-abag ug pagpasidungog sa mga LGUs

CEBU CITY, Cebu, Nov. 14 (PIA) -- Ang Department of the Interior and Local Government (DILG) pinaagi sa Office of Project Development Services (OPDS) mopahigayon ug face-to-face Conference, “Kwentong Tagumpay” karong Nobyembre 15-16, 2023.

Ang “Kwentong Tagumpay: Innovative Practices in Local Infrastructure Governance” usa ka plataporma sa pagkat-on sa pinakabag-o nga mga teknolohikal ug praktikal nga mga inobasyon sa lokal nga pagdumala sa imprastraktura, nga maoy magsilbing pamaagi alang sa mga local government units (LGUs) sa nasud aron makat-on ug magpakita sa talagsaon, teknolohikal, ug praktikal nga mga kalamboan sa ilang paghatod sa mga batakang serbisyo ngadto sa ilang mga konstituwente.

Kini nga aktibidad mao usab ang venue alang sa awarding o recognition sa 28 ka LGUs nga nakaagi ug nakakompleto sa Utility of the Future (UoF) technical assistance sa DILG pinaagi sa pakigtambayayong sa World Bank gikan 2021 hangtod 2023.

Ang komperensya magsugod karong November 14 nga adunay lima (5) ka lain-laing breakout sessions diin ang mga partisipante makaangkon og mga innovative practices sa local infrastructure governance sa mosunod nga mga areas: Water Supply and Sanitation, Local Roads, Disaster Risk Reduction and Vertical Infrastructure, Local Enterprises, ug Smart Governance.

Ang LGUs nga adunay talagsaon ug innovative nga mga gawi sa pagdumala nga gikonsiderar nga angay nga sundogon sa ilang mga kaubang LGUs sa tibuok nasud maoy nanguna niining breakout room sessions.

Ang "Kwentong Tagumpay" usa usab ka avenue diin ang mga LGUs makahimamat og makakat-on gikan sa ilang mga silingang LGUs.

Matod sa ahensya, ang mga partisipante gawasnon sa pagpili kung unsang breakout room ang gusto nilang tambongan. Apan aron masiguro nga makatambong sa tanan nga mga diskusyon sa ubang mga lawak sa breakout, ang mga briefer sa mga hilisgutan sa tanang breakout sesssions ihatag sa tanan nga mga partisipante.

Sa ikaduhang adlaw sa maong kalihokan, pagkahuman sa breakout sessions, adunay sunod-sunod nga pakigpulong bahin sa pagpalambo sa imprastraktura, pipeline sa proyekto sa DILG, ug pagbalhin gikan sa debolusyon ngadto sa paghatag sa serbisyo. Pagsunod niini nga mga pakigpulong usa ka plenary session nga himoon isip panel discussion aron hisgutan ang kaugmaon sa local infrastructure development ug management ug UoF Graduation Ceremony para sa 28 ka LGUs.

Ang DILG naglantaw nga ang nahisgotang kalihokan mahimong usa ka epektibong pamaagi nga ang LGUs malungtaron nga makat-on sa mga nakalain-laing proseso sa lig-on nga paghatag ug mga serbisyo alang ngadto sa ilang mga konstituwente. (RGC/PIA7 Cebu with reports from DILG)

About the Author

Robinson Cabardo Jr

Information Officer I

Region 7

Feedback / Comment

Get in touch