Ang Magallanes ang kauna-unahang bayan sa lalawigan na nakabenepisyo ng nasabing programa kung saan nitong ika-20 ng Oktubre ay isinagawa ang visual screening ng mga pasyente.

Ginanap ang visual screening sa Rural Health Unit ng bayan ng Magallanes at 77 mga pasyenteng may problema sa paningin ang sumailalim dito.

Nitong Setyembre ay matagumpay na naisagawa ang pilot testing ng ‘Eye Care, We Care" program sa lungsod ng Sorsogon. Maliban sa visual screening, ang mga pasyenteng may suliranin sa paningin ay binigyan ng pares ng salamin sa mata.

Mahigit P20M ang inilaang pondo sa pagsisimula ng nasabing programa mula sa kabuuang mahigit P800M na pondong inilaan para sa health program ng provincial government.

Kabilang sa mga serbisyong iniaalok nito ay ang visual screening, referral para sa diagnosis at paggamot at referral para sa rehabilitation services ng mga pasyenteng may mahihinang paningin.

Inaasahang mas marami pang mga pasyenteng may problema sa paningin sa iba pang mga bayan sa lalawigan ng Sorsogon ang mabebenipisyuhan ng nasabing programa sa mga darating pang mga araw. (PIA-5/Sorsogon)