No. of :

No. of Shares:

Currently viewed by: Marcus Rosit

  1. Home
  2. News
  3. Foreign, local artists nagtambong sa pinakauna nga VIVA ExCon sa Antique

Foreign, local artists nagtambong sa pinakauna nga VIVA ExCon sa Antique

Write a comment

Delete

SAN JOSE, Antique (PIA) -- Nagtambong sa Visayas Islands Visual Arts Exhibition and Conference (VIVA ExCon) nga ginhiwat sa pinakauna nga tion sa dyang probinsya ang mga artists halin sa nagkalain-lain nga bahin kang Pilipinas kag luwas kang pungsod.

Masobra 170 ka mga artists halin sa Isla kang Panay, iban nga parte kang Visayas, kag Manila, pati man sa mga pungsod kang Vietnam, Myanmar, Japan, Thailand, Germany, Austria, kag India ang nag-abot kang nagligad gid lamang sa banwa kang San Jose de Buenavista para makigbahin sa VIVA ExCon 2023 halin Nobyembre 8 tubtob 10.

EditDelete
Masako ang mga volunteers sa pag-akomodar kang mga partisipante sa VIVA ExCon 2023.
Delete

Sa ana kadya ika-33 nga tuig, ang ika-17 nga edisyon kang VIVA Excon ginpatigayon sa sagwa kang sangka Highly Urbanized City (HUC) para pasanyugon ang partisipasyon sa sining kang mga pumuluyo sa kabanwahanan.

Ang dyang aktibidad nga ginahiwat kada darwa ka tuig ginalakipan kang art exhibition kag conference nga tuyo iselebrar ang sining kang Kabisayaan kag mangin instrumento para sa dayalogo, partnerships, kag cultural exchange kang mga artists.

Ang art exhibition nahamtang sa Old Provincial Capitol kag Aldea Compound sa banwa kang San Jose kag padayon nga mangin bukas sa publiko hasta Disyembre 10.

Delete

May kapin 17 ka solo artists kag art groups sa patag kang literatura, painting, printmaking, photography, mixed kag multimedia, permaculture kag natural building, kag pottery ang nagpasundayag kang andang mga obra maestra sa nasambit nga exhibition.

Samtang, ang conference nga parte kang VIVA ExCon may plenary assembly kag pagpulong-pulong sa nanari-sari nga topiko may kaangtanan sa pagbuhat kang sining, pagtabu-ay kang sining kag kultura, kag mga isyu nga nagapalibot sa mga artists kag sektor kang sining.

Delete

Para kay Raz Laude, miyembro kang organizing kag curatorial team, bahol nga oportunidad ang paghiwat kang VIVA ExCon 2023 sa pagpakilala sa mga bisita kang naga-usbong nga sining sa Antique kag pagpasanyog kang kamalayan sa sining kang mga Antiqueño, ilabi ron kang mga kabataan.


Ang VIVA ExCon suportado kang National Commission for Culture and Arts (NCCA), Office of Senate President Pro Tempore Loren Legarda, Office of Congressman Antonio Legarda, Jr., Provincial Government of Antique, the University of Antique kag iban pa nga pampubliko kag pribado nga institusyon. (AG/FG/BPS/PIA Antique/Photos courtesy of VIVA ExCon Antique 2023)

EditDelete
Nagahiwat kang sangka performance art ang pira ka mga lokal kag foreign artists sa courtyard kang San Jose Business Park nga gindagsa kang mga tumalan-aw.

About the Author

Bernard Ceasar Susbilla

Information Officer

Region 6

Electronics Engineer/Writer

Related News

Feedback / Comment

Get in touch