Infographics nga nagapakita kang kabilogan nga narehistro sa National ID System nga may 538,893 nga Antiqueños. (Litrato: PSA)
SAN JOSE, Antique (PIA) — Ang Philippine Statistics Authority (PSA) nakarehisto run kang 538,893 ka mga Antiqueños sa idalom kang National Identification System (NIS) nga ginpatuman halin kang 2020.”
Dya nagapakita kang 90.40 porsyento ang kabilogan kang populasyon kang probinsya nga 612,974 ang narehistro run basi sa 2020 nga census kang populasyon.
Suno kay Chief Statistical Specialist Randy Tacogdoy kang nagligad nga tuig, may 51,914 ka taho nga nag pa rehistro kag nataw-an kang ID number.
Dya suno kana nagapakita lamang kang suporta kang mga katawhan sa PSA para malista sa NIS.
Sa 18 ka munisipyo sa Antique, tatlo ang nakarehistro, mataas kun ikumparar mo sa average kang probinsya, day ang mga banwa kang Sibalom, San Jose, kag Caluya.
Samtang ang mga banwa kang Sebaste, Belison, kag Anini-y ang may manaba nga numero kang narehistro.
Sa mga nabilin nga banwa nga may manaba nga numero kang narehistro, ang PSA magatinguha sa pag-agto sa mga kabarangayan sa dya nga lugar agud sanda maisip run.Ang mga banwa naman kang San Jose, Hamtic, kag Sibalom ang may pinakaraku nga na-isyu nga ID sa mga katawhan.
Suno kay PSA information officer nga si Patricia Dhianne Ga-an, ang pagtao lagi-lagi kang impormasyon sa National ID nakapadali kang serbisyo kang PSA tungod mabaton lagi kang nagparehistro ang ana ID.
Ginapangabay kang PSA ang dugang nga suporta kang mga pumuluyo agud tanan masakop na sa national ID system. (PSA/PIA Antique kaimaw ang mga balita halin kanday SEG/AVS)
