TACLOBAN CITY (PIA) — Naglalaum an National Maritime Polytechnic (NMP) nga aabuyunan han kamara an ira ginpasa nga modernization plan nakantidad P1.3 bilyon.
Ha ginbuhat nga Kapihan sa Bagong Pilipinas, iginpahayag ni Deputy Executive Director Myla Macadawan han NMP nga ginpasa na nira an modernization plan ha opisina ni House Speaker Ferdinand Martin Romualdez, ipinaagi han chairperson han Committee on Overseas Workers Affairs ngan Tingog Partylist Rep. Jude Acidre.
Naka-detalye dida hini nga plano an mga inisyatibo han NMP nga maayad an ira mga pasilidad ngan infrastructures, mapahilawig an ira kapas ha training ngan research, ngan mapa-uruupay an ira kabug-usan nga serbisyo.
Iginsumat pa ni Macadawan nga an NMP modernization plan in dako an maibubulig ha pagpadukwag han shipping industry.
Ginlalauman gihapon ini nga makakabulig han mga marino upod an ira mga pamilya.
Gintagan hin doon ni Macadawan nga ha oras nga tangduan ini nga plano, an NMP in makakakuha hin suporta ngan pondo nga makakabulig pag-unhan han kanan nasud maritime industry. (RLA, PIA-8)
