SYUDAD SANG ILOILO (PIA) – Nagpahayag sang suporta ang mga opisyal sang Iloilo sa liwat nga pagtukod sang Negros Island Region (NIR) pinaagi sa paglagda ni Presidente Ferdinand “Bongbong” Marcos Jr. sang Republic Act (RA) No. 12000.
Ginpahayag man ni Iloilo Gov. Arthur Defensor Jr. nga waay sang problema sa pagtukod sang NIR kag mas makahatag pa ini sang mas manami nga administrative coordination kag serbisyo para sa rehiyon.
“The creation of that administrative region is for better governance and for better delivery of services in terms of the administrative capability and the bureaucracy,” siling ni Defensor.
Iya man ginpakigbahin nga madugay na ini nga plano, kung sa diin isa pa siya sa mga nagpasar sang NIR bill sa Kongreso sang siya nagapungko pa bilang representante sang ika-tatlo nga distrito sang Iloilo.
“Our ties with Negros will not change. They will remain to be our relatives. My mother is from Negros and I’m sure many of you also have kin there,” dugang pa sang gobernador.
Sa pihak nga bahin, ginpahayag ni Iloilo City Mayor Jerry P. Treñas sa isa ka press conference nga ang pagtukod sang NIR ang makahatag sang mas maayo nga serbisyo kag panggobyerno sa mga probinsya sang Negros Occidental, Negros Oriental, kag Siquijor.
“I am happy about it. I think it will really do good for Negros because they will have the whole Island for themselves together with Siquijor,” pahayag ni Treñas.
“I support that because I think this has been pushed by the stakeholders coming from the two provinces,” dugang pa sang alkalde, kung sa diin iya man gintumod nga mas makapasanyog pa ini sang ekonomiya sang rehiyon.
Pahayag pa sini sa isa ka interview nga ang pagtukod sang NIR ang makahatag lang sang magamay nga epekto sa Kabisay-an Nakatundan kag kampante ini sa posisyon sang Iloilo City para sa mga potensyal nga imbestor.
“It will give Negros Island a chance to develop their full potential and ensure their participation in the country’s development due to their proximity. With that, we will also be able to work closer again, because for us in Panay and Guimaras, we will be the ones remaining,” siling ni Treñas.
Kung matandaan, una nga natukod ang NIR sang 2015 pinaagi sa Executive Order (EO) No. 183 ni anay presidente Benigno Aquino III, apang ini ang gilayon man nga gin-abolish ni anay president Rodrigo Duterte sang 2017 pinaagi sa EO No. 38.
Subong, liwat nga natukod ang NIR matapos sang paglagda ni Presidente Marcos sang RA 12000, kung sa diin iya ginpahayag, “this aims to promote administration decentralization; strengthen local autonomy; and accelerate economic, cultural and social development.” (AAL/JNH/PIA Iloilo)
