SYUDAD SANG ILOILO (PIA) — Panibag-o nga One Town One Product (OTOP) PH Hub ang ginbuksan sa Casa Real sang Iloilo Provincial Capitol sa pagpanguna sang Department of Trade and Industry (DTI) kaupod ang Integrated Entrepreneurs of Iloilo Philippines, Inc. (IEIPI) kag Local Economic Development and Investment Promotion (LEDIP) Office-Iloilo Province.
Tinutuyo sang OTOP nga programa ang padayon nga pagtib-ong kag suporta sa mga lokal nga Micro, Small, and Medium Enterprises (MSMEs) pinaagi sa paghatag sang espasyo agud mapasundayag ang mga matahum, manamit kag de-kalidad nga produkto nga nagapakita sang kinaiya sang tagsa ka komonidad.
“This milestone underscores the growing partnership among the DTI, local entrepreneurs—known as OTOPreneurs—and the Iloilo Provincial Government. It highlights the province’s commitment to celebrating its rich culture, delectable cuisine, and exceptional creativity through artisan products and services,” pahayag sang talatapan sang LEDIP-Iloilo.
Kaupod sang paghiwat sang ribbon-cutting ceremony, ginlagdaan ang Memorandum of Agreement (MOA) ni DTI Iloilo Provincial Director Ma. Dinda R. Tamayo kag IEIPI President Catherine V. Taleon. Lakip man sa nagtambong amo ang mga key stakeholders.
Madumduman nga ang nahauna nga OTOP PH hub sa probinsya ang ginlunsar sang Disyembre 28, 2021 sa bulig sang 1loilo Inc. Ini ang napahamtang sa Balai Ilonggo sa bahin sang Iloilo Festive Walk Mall, Mandurriao, Iloilo City. (AAL/LMLE/PIA-ILOILO)