DAVAO CITY (PIA) — Sa pag suporta sa Philippine movies, ang Overseas Workers Welfare Administration sa Rehiyon Onse (OWWA-XI) nagpasiugda og block screening sa mga sinehan sa pelikula nga gi-ulohan “When I Met You in Tokyo,” alang sa mga Overseas Filipino Workers sa dakbayan sa Dabaw.
Photo courtesy of OWWA XI
Mokabat ngadto sa 300 ka mga OFWs ug ang mga pamilya niini nga taga Dabaw ug sa kasikbit nga probinsya, ang naka lantaw nga libre, kaniadtong December 25, 2023 sa SM Cinema 1, Ecoland.
Ang “When I Met You in Tokyo” nagsaysay mahitungod sa usa ka istorya sa walay kondisyon nga gugma, sakripisyo ug pag-antos sa mga OFWs.
Ang pelikula gibidahan ni Vilma Santos ug Christopher de Leon. (ETI/PIA-XI)
Photo courtesy of OWWA XI
