TACLOBAN CITY (PIA) — Ginbabana-bana han Leyte Metropolitan Water District nga mahuman ha Enero sunod nga tuig an P500-million water transmission line project nga makakasolbar han paghingulang han supply han tubig ha norte nga dapit han Tacloban.
Sumala kan Ronnie Cornico, general manager han Leyte Metropolitan Water District durante han ginbuhat nga Kapihan sa Bagong Pilipinas, kun mahuman na ini nga multi-million water transmission project nga iginlalatag ha may Diit nga dapit kutob ha Pastrana, maaabot na an diyes milyones-litros kada adlaw an maihahatag nga supply han tubig.
Ha pagkayana, an planta han tubig nahimumutang ha may Cabalawan nga area han siyudad in nagkakaproblema an produksiyon mahitungod nga may-ada mga tawo naukoy ha igbaw han bukid, kun diin aadto an surok han tubig, ngan hira an nakakaurog paggamit ugsa pa man makaawas an tubig tipaubos ngadto ha magkalain-lain nga kunsumidor ha siyudad.
Ha mapo-produce nga kadugangan nga 10 million liters per day nga tubig, an proyekto in lakip nga makakabaton han 4.2 million liters per day nga kakulangan han supply han tubig ha siyudad lakip na an mga kahirani nga munisipyo.
An nasabi nga proyekto in ginkokomponeran hin pipelaying hin 450-millimeter, ngan 300-millimeter plastic pipes nga madalagan 21.8 kilometers ngan 5.25 kilometers tikang ha Tigbao han Tacloban kutob ha Slow Sand Filter Facility Plant ha Pastrana, Leyte. (PIA Eastern Visayas)
