SYUDAD SANG ILOILO (PIA) – Isa ka bag-o nga Iloilo City District Jail nga nagabalor sang P581 ka milyon ang pagatukuron sa Leganes, Iloilo matapos ang ginhiwat nga groundbreaking ceremony subong nga Hunyo.
Ang pasilidad nga may ara sang tatlo ka panalgan ang nagalaum nga mahatagan sang mas maayo nga pagtalupangod ang mga person deprived with liberty (PDLs) sa syudad sang Iloilo.
May ara ini sang duwa ka phase, kung sa diin ang Phase 1 ang na pundohan na sang P235 milyon pinaagi sa General Appropriations Act (GAA) kag sa pagpatigayon ni Uswag Ilonggo Party-list Rep. Jojo Ang.
Suno sa Department of Public Works and Highways (DPWH) 6 kabahin sa mga pasilidad ang three-storey female dormitory building, administrative office Building, health services facility, kitchen, visitors’ and visitation buildings, commitment building kag recreational area.
Ginpahayag naman ni Ang nga natigayon ang proyekto bangud man sa nakit-an sini nga magutok nga sitwasyon sang PDLs sang una sini nga pagbisita sa presohan.
“Personal ako nagabisita sa mga presohan. I firmly believe that providing better conditions for PDLs is crucial for their rehabilitation. This new facility will offer them a sense of dignity and community while in detention,” pahayag sini.
“The project is designed to create safer, more humane living conditions with access to recreational and rehabilitation programs. This will also include a regional office of the Bureau of Jail Management and Penology (BJMP),” dugang pa ni Ang.
Kaupod ni Ang nga nagtambong sa groundbreaking ceremony sanday BJMP Regional Director Simeon Dolojo, BJMP chief Jail Director Ruel Rivera, Iloilo Gov. Arthur Defensor Jr., 2nd district Cong. Michael Gorriceta , 4th district Cong. Ferj Biron, kag Iloilo City Councilor Miguel Treñas (AAL/JNH/PIA Iloilo)
