GINGOOG CITY (PIA) — Gihisgutan sa 4th Quarter Committee Meeting sa Social Development Committee nga ilawon sa Regional Development Council sa Northern Mindanao ang mga programang adunay kalambigitan sa mga programang panglawas.
Gipahigayon ang Social Development Committee (SDC) Meeting sa pagpanguna ni SDC Chairperson Mayor Erick G. Cañosa uban ni Co-Chairperson Jaime Rafael U. Paguio. Lakip sa diskusyon ang mga lakang sa sa mga programa nga adunay kalambigitan sa mental health, implementasyon sa responsible parenthood ug reproductive health-related programs. Giistoryahan usab sa panagkatigom ang pag-establisar sa Northern Mindanao Regional Blood Center.
Gitutukan sa maong panagpulong ang pagplastar sa mga angay ipatuman nga programa ug interventions arun masustinar ang social development sa rehiyon hilabi na sa health and nutrition, education, livable communities, pagpalambo sa earning ability, ug pagpalig-on sa social protection. Lain pa niini nga mga hisgutanan, apil usab nga gituki ang Philippine Population and Development Program Plan of Action, FY 2025 Annual Investmeng Program alang sa Social Sector, 2023 Preliminary Regional Development Report, ug uban pa.
Mapasalamaton usab si Mayor Cañosa sa presensya ug kolaborasyon nga gipaabot sa mga representante gikan sa lain-laing komitiba sa RDC. (Gingoog CIO/IJBDayo)
Gipangulohan ni Gingoog City Mayor Erick Cañosa ang Social Development Committee Meeting nga diin gihisgutan ang lain-laing programang panglawas. (Gingoog CIO)
iistoryahan usab sa panagkatigom ang pag-establisar ug Regional Blood Center sa Northern Mindanao. (Gingoog CIO)
