SYUDAD SANG ILOILO (PIA) — Ang mga pagpanikasog sang panguluhan ni Presidente Ferdinand R. Marcos Jr.’s sa paghatag sang empleo sa mga Filipino ang nagabunga na, suno sa Department of Labor and Employment (DOLE).
Sa isa ka press briefing sa Malakanyang, ginlaragway ni Tiglikum Bienvenido Laguesma ang pagnubo sa unemployment kag underemployment nga daku kaayo.
“Even on month-on-month basis, the drop in unemployment is tremendous – 2.2 million from April 2024 to May 2024,” suno sa Labor chief.
Gindugang sini “And that speaks a lot for the leadership of President Marcos.”
Ginpahayag man ni Laguesma nga ang pagnubo sa unemployment nagapakita sang mga interbensyon ginhimo sang Labor department pinaagi sa kolaborasyon sa pribado nga sektor.
“So, kitang-kita diyan na tuloy-tuloy ang ginagawang mga hakbangin ng ating pamahalaan sa pangunguna ng ating Pangulong Ferdinand R. Marcos Jr. para tugunan iyong mga kaganapan sa ating labor market,” pahayag ni Laguesma.
Ginreport man sini nga may ara mas o menos 600,000 ka mga bag-o nga entrants sa labor market nga may 80-porsyento nga rate.
“Ibig sabihin, talagang nagkakaroon ng sustained efforts to really help those who are actually seeking jobs,” dugang ni Laguesma.
Ginapakita sang May 2024 Labor Force Survey sang Philippine Statistics Authority (PSA) nga ang unemployment rate sa Pilipinas nagnubo sa 4.1 porsyento sang Mayo sini nga tuig humalin sa 4.3 porsyento sang amo man nga bulan sang nagligad nga tuig.
Samtang, ang underemployment rate nagnubo sang 9.9 porsyento humalin sa 11.7 porsyento sa period covered.
Suno sa National Economic and Development Authority (NEDA), ang pagsaka sa total employment sang pungsod sang Mayo ang tuga sang pagpasangkad sang industriya kag serbisyo, implementasyon sang mga infrastructure flagship project kag ang Pambansang Pabahay Para sa Pilipino Program (4PH) sang administrasyong Marcos. (AAL/LAF/PIA6-Iloilo/PND)
