SYUDAD SANG ILOILO — Gin-anunsyo ni Department of Budget and Management (DBM) Tiglikum Amenah F. Pangandaman ang pagpaguwa sang Year-End Bonus (YEB) kag Cash Gift (CG) sa mga kwalipikado nga empleyado sang gobyerno sumugod subong nga adlaw, Nobyembre 15.
“This is a well-deserved symbol of appreciation for our government workers, our heroes, who give their all for the country— those who walk the extra mile and spend longer work hours out of their sheer sense of public service. This is in line with the directive of President Ferdinand R. Marcos, Jr. to ensure that our government workers are given these rightful tokens for all their sacrifices that are greatly contributing to the reactivation of our economy,” pahayag ni Secretary Pangandaman.
Suno sa Item 6.1 sang DBM Budget Circular (BC) No. 2016-4, ang YEB katimbang sang isa ka bulan nga sweldo tubtub Oktubre 31 kag ang CG nga ₱5,000 ang igahatag sa mga kwalipikado
nga empleyado sang gobyerno indi magtemprano sa Nobyembre 15 sini nga tuig.
Ang mga empleyado sang gobyerno nga nakahatag sang kapin apat (4) ka bulan nga serbisyo humalin Enero 1 tubtub Oktubre 31 sang karon nga tuig kag nagapabilin sa serbisyo sa gobyerno tubtub Oktubre 31 sang amo man nga tuig ang kwalipikado nga magbaton sang YEB kag CG.
Sa bahin sang national government agencies (NGAs), ang DBM nagpain sang ₱45.3 bilyon para sa YEB sang mga sibilyan nga empleyado kag 15.2 bilyon para sa mga military ukon uniformed personnel.
Samtang ang ₱8.9 bilyon ang ginpain para sa CG sang masobra sa 1.7 milyon ka civilian and military and uniformed personnel sa ahensya sang panguluhang nasyunal.
Ang ginpain para sa YEB kag CG ang komprehensibo na nga ginpaguwa sa mga natungdan nga NGAs sa pagsugod sang fiscal year.
Samtang ginpahanumdon ni Secretary Pangandaman ang mga trabahante sa gobyerno nga gamiton ang ila mga bonus sang maayo kag gastuhon gid lamang ini para sa ila kinahanglanon kag para sa mga butang nga kinahanglan.
“Alam ko marami sa inyo na excited matanggap ang bonus ninyo, pero sana huwag natin kalimutang gamitin ito ng tama. Spend it wisely, and invest it on things and needs that truly matter. Unahin ninyo ang mga kailangan kaysa luho lang,” siling ni Secretary Pangandaman.
Sa isa ka video message nga ginpaguwa sa tion sang 123rd Philippine Civil Service Anniversary sang Septyembre 2023, nagpabutyag sang pagpasalamat si Presidente BBM sa masobra 1.8 milyon nga mabaskog nga mamumugon samg gobyermo sa ila wala kapoy nga trabaho, himpit kag integridad “to deliver the quality service that all Filipino deserve.”
“Thank you for your dedication despite the numerous challenges that we experience in our respective occupations. Let us strive harder in achieving our united goal of providing a better future for our country,” pahayag sang Presidente.
Sang nagligad nga Septyembre 27, ginpasar sang Kongreso ang House Bill 8980 ukon ang 2024 General Appropriations Bill sa ikatatlo kag pinal nga pagbasa kag napadala sa Senado sang Pilipinas sang Nobyembre 4.
Ginapaabot nga ang 2024 nasyunal badyet ang pagalagdaan sang Presidente sa Disyembre. (AAL/LAF/PIA6-Iloilo/DBM)
