SAN JOSE, Antique (PIA) — Ang Department of Agriculture kasan-o gid lamang nagtigayon kang “groundbreaking ceremony” para sa pag-umpisa kang pagpakid-an ka San Jose Feeder Port ridya sa kapital nga banwa kang Antique.
Sa kantidad nga P290,673,000 ang dya nga proyekto ginalauman nga makapadali sa pagbiyahe kang mga produkto kang serbisyo sa probinsya.
Ang mga lokal nga opisyales sa banwa kang San Jose kag sa probinsya kang Antique nagapasalamat sa dya nga lihuk para mabuligan ang mga mangunguma kag mangingisda.
Suno kay Department of Agriculture Assistant Secretary for Logistics Daniel Alfonso Atayde, ang dya nga proyekto pinakabahul nga programa kang Philippine Rural Development Project (PRDP) nga ginpondohan sa Antique.
Dya nalakip sa Provincial Commodity Investment Plan agud makabulig sa mga mangunguma kag mangingisda sa pagdara kang anda produkto sa merkado.
Suno kay Atayde, dya nga lihuk makabulig ka bahul para maabot ang pungsudnun nga seguridad sa pagkaon.
Dya nga proyekto ginalauman nga makatao benepisyo kang bahul sa mga banwa kang Anini-y, Tobias Fornier, Hamtic, San Jose, Sibalom, San Remegio, Belison, Patnongon kag Valderrama paagi sa anda mga produkto nga niyog, kasapatan, isda, laswa kang iban pa. (AGP/PSM/PIA Antique)
