TAGBILARAN CITY, Bohol, Jan. 9 (PIA) — Gisubli sa National Telecommunications Commission (NTC) nga libre ang pagparehistro sa mandatory subscriber identity module (SIM), subay sa mga taho sa mga walay prinsipyo nga indibidwal nga nangayo og bayad bugti sa tabang.
Ang bisan kinsa nga masakpan nga mobuhat niini silotan, matod pa sa NTC.
Gawas sa balaod nga espesipikong naglatid nga ang pagparehistro kinahanglan nga libre, ang dili maayo nga mga indibidwal mahimo usab nga mogamit sa personal nga datos nga nakuha sa proseso alang sa pagpanglimbong ug pagpangawat sa pagkatawo, dugang pa niini.
Kini human ang PLDT ug Smart FVP ug Head sa Group Corporate Communications nga si Cathy Yang niingon nga nakasugat sila og bag-ong scam diin ang mga SIM users gipangayuan og bayad alang sa pagparehistro.
Matud pa nga may naningil og bayad, kun kinahanglan og tabang sa pagparehistro sa SIM, pangayuan og bayad.
Giklaro sa NTC nga libre ang pag-register, ug libre usab ang tabang nga gihatag sa Smart sa Smart Stores, booths ug touch points.
Ang NTC nibutyag nga 8.31 porsiyento o 14,050,125 ka SIM sa tanang aktibong SIM ang narehistro na sukad niadtong Enero 4, 2023.
Bisan pa niini, ang epekto sa pagparehistro sa SIM sa pagkunhod sa SMS-related scams o smishing mahimo lamang nga masusi pagkahuman sa proseso sa pagparehistro sa Abril, si NTC officer-in-charge Commissioner Ella Lopez miingon.
Matud pa nga sa pagkakaron, aduna pay daghang reklamo nga gisang-at sa regulator, si Lopez nagkanayon. (ECB/PIA7 Bohol)
