LA TRINIDAD, Benguet (PIA) — Inyunay-unay ti ama ti probinsiya ti Benguet ti kinapateg ti panagkaykaysa dagiti nadumaduma nga stakeholders tapnu marisut ti epekto ti climate change ken mapapigsa pay ti disaster resilience.
Sigun kenni Governor Melchor Diclas, malaksid iti panangimula iti kayo, kasapulan metlaeng nga istrikto nga ipatungpal dagiti maseknan nga ahensiya ti gobyerno ti paglintegan nangruna iti panagpukan iti kayo.
“Tree planting ti makita tayo nga maysa nga makatulong ken of course, strict implementation of the laws. We need to have coordination with national agencies tapnu at least, masolbar tayo kuma daytoy,” kuna ti gobernador.
Innayun na nga ipatpatungpal metten ti dadduma a lokal a gobyerno ti tree planting partikular dagiti fruit bearing trees. Kinunana a malaksid a makatulong daytoy iti panangprotektar iti aglawlaw, makatulong metlaeng iti pagbiyagan dagiti umili.
Ni Governor Melchor Diclas iti interview kenkuana ti PIA-Cordillera.
Kabayatanna, kinunana a kasapulan a maipaayan iti panagsanay dagiti tattao mainaig iti panagresponde iti panawen ti kalamidad tapnu ammo da ti ar-aramiden da nu adda man ti mapasamak a didigra.
“We need the partnership of our people, the government, the private sector, ken siyempre, our citizenry. Panagmaymaysa ladta, cooperation ladta ti kasapulan for our resiliency,” kuna ni Diclas.
Agtalek met ti opisyal a resilient wenno natibker dagiti umili ti probinsiya nangruna iti panawen ti kalamidad.
Ti panangpapartak iti climate action ken panangpapigsa iti disaster resilience ti karaman kadagiti istratehiya iti Philippine Development Plan 2023-2028 tapnu maragpat ti tarigagay ti pagilian, ti AmBisyon Natin 2040 nu sadino, panggep daytoy a maaddaan iti nagin-awa, natalged, ken naannayas a panagbiyag ti tunggal Pilipino. (DEG-PIA CAR)
Tagalog translation:
LA TRINIDAD, Benguet (PIA) — Binigyang-diin ng ama ng Benguet ang kahalagahan ng pagkakaisa ng iba’t ibang stakeholders upang maresolba ang epekto ng climate change at mapalakas pa ang disaster resilience.
Ayon kay Governor Melchor Diclas, bukod sa pagtatanim ng puno, kailangang ding istrikto ang pagpapatupad ng mga kinauukulang ahensiya ng pamahalaan sa mga batas lalo na sa pamumutol ng punongkahoy.
“Tree planting ang nakikita natin na isang makakatulong at of course, strict implementation of the laws. We need to have coordination with national agencies nang sa gayun, matugunan natin ito,” saad ng gobernador.
Dagdag pa nito, ipinatutupad na rin ng ilang pamahalaang lokal ang tree planting partikular na ang mga fruit bearing trees. Aniya, bukod sa makatutulong ito sa pagprotekta sa kapaligiran ay makatutulong din sa hanapbuhay ng mga residente.
Samantala, inihayag nito na kailangang mabigyan din ng pagsasanay ang mga tao ukol sa pagresponde sa panahon ng kalamidad upang alam nila ang kanilang gagawin kung magkaroon man ng sakuna.
“We need the partnership of our people, the government, the private sector, ken siyempre, our citizenry. Panagmaymaysa ladta, cooperation ladta ti kasapulan for our resiliency,” ani Diclas.
Tiwala naman ang opisyal na resilient o matatag ang mga mamamayan ng lalawigan lalo na sa panahon ng kalamidad.
Ang pagpapabilis ng climate action at pagpapalakas ng disaster resilience ay kabilang sa mga istratehiya ng Philippine Development Plan 2023-2028 upang makamit ang hinahangad ng bansa, ang AmBisyon Natin 2040 kung saan layuninin nito na magkaroon ng maginhawa, matatag, at panatag na buhay ang bawat Pilipino. (DEG-PIA CAR)
