SYUDAD SANG ILOILO (PIA) – Bilang pagkilala sa mga binuhatan kag maayo nga performance sang mga empleyado sang gobyerno, ang Civil Service Commission (CSC) 6 naghiwat sang tuigan nga awarding rites nga ginatawag “Pasidungog” sang Setyembre 17.
Ini ang kabahin sang selebrasyon sa ika- 124 nga Philippine Civil Service Anniversary (PCSA) subong nga tuig.
Sa 10 ka tuig nga tema,“Transforming Public Service in the Next Decade: Honing Agile and Future-Ready Servant Heroes,” ang sentro sini subong nga tuig ara sa importansya sang sustainable management para malab-ot ang “future-ready civil service.”
Si CSC Assistant Commissioner Nerissa B. Canguilan ang nangin keynote speaker sa ginpatigayon nga aktibidad.
May 31 ka regional winners kaupod ang lima ka national semi-finalists halin sa Western Visayas nga ginkilala sa nagkalain-lain nga kategoriya nga amo ang Presidential Lingkod Bayan Award, Dangal ng Bayan Award, kag CSC PAGASA Award.
“From 63 nominations, these 31 awardees this year are living proof of what it means to be agile and future-ready. In each of their fields, they have shown that innovation, empathy, and perseverance are key to creating lasting change. They have made public service more than just a duty, but rather a calling,” siling ni Canguilan.
Iya man ginakabig ang Western Visayas bilang “gold mine for exemplars” nga nagahulat nga madiskubre kag makilala sing husto paagi sa PRAISE sang kada talatapan kag sa gilayon paagi sa CSC Honor Awards Program (HAP).
“Through Pasidungog, we not only celebrate their [winners’] achievements but also inspire others to follow in their footsteps. This awards ceremony has become a tradition because it reminds us that excellence in public service is not just recognized; it is emulated. Each nomination and each award is a testament to the ongoing transformation of our civil service into one that is dynamic, agile, and resilient- capable of shaping the future,” dugang pa ni Canguilan.
Ang lista sang regional winners para sa 2024 Search for Outstanding Government Workers amo ang mga masunod:
Para sa Presidential Lingkod Bayan, ang mga nagdaog amo sanday Wilson A. Batislaon, Hon. Stephen A. Palmares, Dr. Joselito F. Villaruz, Ann Rapunzel O. Ganzon, Dr. Ildefonso T. Toledo, JSupt. Abner C. Zamora, kag ang Sum-ag National High School Management Team.
Sa idalom sang Dangal ng Bayan, ang regional winners amo sanday Dr. Daystar S. Sedillo, Mamerto Elier P. Iguiron, Daryl B. Arguelles, Generosa C. Condez, Anita S. Gubalane, Cheryl D. Villanueva, Jose Marie C. Barcelo, PCol. Joerestry P. Coronica, Ma. Ellen Jane P. Sibag, kag Dr. Annabelle S. Tang.
Kaupod naman sa CSC PAGASA regional awardees amo sanday Hon. Margarito C. Mission, Jr., Hon. Gian Carlo F. Occeña, Jay F. Tumbokon, Monalyn L. Oloroso, Armida T. Tabaosares, Leila G. Valencia, Marlon T. Jinon, Lira P. Ladigohon, Local Governance Resource Center VI, Project Mushie, Uswag Iloilo City Molecular Laboratory, Capiz State University Intellectual Property Management Office Team, Seedling Squad, kag Team Brighter Libertad.
Sa pihak nga bahin, ang national semi-finalists gikan sa rehiyon amo sanday Jay F. Tumbokon, Daryl B. Arguelles, Wilson A. Batislaon, Ann Rapunzel O. Ganzon, kag JSupt. Abner C. Zamora.
Sa idalom sang Public Law No. 5, An Act for the Establishment and Maintenance of an Efficient and Honest Civil Service in the Philippine Islands, nga ginlagdaan sang Setyembre 19, 1900, ang PCSA ginadumdom ang pagtukod sang Philippine Civil Service. Ini kabahin man sang Presidential Proclamation No. 1050, series of 1997 nga nagadeklarar sa bulan sang Setyembre bilang Civil Service Month. (AAL/AGP/PIA 6)
