SYUDAD SANG ILOILO (PIA) – Mas nangin malapit ang mga Ilonggo sa sining bangud sa pagdala sang Cultural Center of the Philippines (CCP) sang Pasinaya Open House Festival sa Iloilo Museum of Contemporary Arts (ILOMOCA) sa Iloilo City.
Ang paghiwat sang Pasinaya ang nagaserbe pag-umpisa sang pagselebrar sang National Arts Month subong nga Pebrero, kun sa diin ini nagpakita sang manggaranon nga maragtas kag kultura sang Iloilo pinaagi sa nagkalainlain nga mga art workshop nga gin-tanyag sa kahiwatan.
Lakip sa mga workshop nga ginpasakopan sang mga estudyante kag art enthusiasts amu ang Collagraph Printmaking Demo, On-the-Spot Drawing from Life workshop, Panay Mythology workshop, Dramatic Interpretations, kag Creative Writing training, Timplada: Creative Culinary Expressions, dance workshop, kag iban pa.
Ginpahayag naman ni Ylan Christopher Hilaro, estudyante gikan sa West Visayas State Univeristy, sa isa ka interview, nga ang Pasinaya nagserbe isa ka plataporma agud mas matun-an nila ang sining sang pagsaot nga makabulig agud mapasanyog sang ila ihibalo sa performing arts.
“At the end of the day, I also expected to learn more not only in dance but really about the arts because it is also one of the reasons why we are here, to learn more on the history and culture of Iloilo and appreciating it through the different forms of arts,” dugang pa ni Hilaro.
Samtang, ginpahayag ni Maria Rosario Estrada, CCP officer-in-charge for Visual Arts and Museum Division, nga ang Pasinaya nagalaum nga mapaugyon ang publiko sa ngalan sang sining bangud ini ang naga-amot man sa ila identidad kag komunidad nga ginahulagan.
“Art is able to teach us more about ourselves, more about us as people, as a community, as a nation. This is able to bring us closer to each other and can tell us more about what we have in common rather than what separates us from each other,” siling ni Estrada
Ini na ang ikaduwa nga tion nga ginhiwat ang Pasinaya sa Iloilo City nga ginakabig nga pinakadako nga multi-arts festival sa pungsod.
Ginhiwat man ini sa Batangas, Sorsogon, Himamaylan kag Tagum City subong nga tuig. (AAL/JNH/PIA Iloilo)
