MANILA, Dec. 4 4 (PIA) — Kusganong gikondena ni Presidente Ferdinand R. Marcos Jr. ang pagpamomba sa Mindanao State University (MSU) ug sa Marawi nga mga komunidad niadtong Domingo nga nakapatay sa upat ka tawo, ug nagpasalig nga ang gobyerno anaa sa ibabaw sa sitwasyon ug nagtabang sa mga biktima sa pag-atake sa terorista.
Ang Presidente mipaabot sa iyang pahasubo sa mga pamilya ug mga minahal sa kinabuhi sa mga biktima, ug nibasol sa mga teroristang langyaw nga nagpaluyo sa pag-atake sa pagpamomba.
“I condemn in the strongest possible terms the senseless and most heinous acts perpetrated by foreign terrorists upon the Mindanao State University (MSU) and Marawi communities early this Sunday morning. Extremists who wield violence against the innocent will always be regarded as enemies to our society.
Akong gikondena sa labing kusog nga mga termino ang mga walay hinungdan ug labing mangil-ad nga mga buhat nga gihimo sa mga langyaw nga terorista sa Mindanao State University (MSU) ug Marawi nga mga komunidad sayo karong Domingo sa buntag. Ang mga ekstremista nga naggamit ug kapintasan batok sa mga inosente kanunay nga isipon nga mga kaaway sa atong katilingban),” matud pa sa Presidente sa usa ka pahayag.
Gipaabot usab ni Marcos ang iyang kinasingkasing nga pahasubo sa mga biktima, ilang mga minahal, ug sa mga komunidad nga nahimong target niining pinakaulahing pag-atake sa kalinaw. Gipasalig niini ang tabang sa gobyerno sa mga naapektuhan.
Sa inisyal nga mga taho nagkanayon nga upat ka tawo ang namatay sa insidente sa pagpamomba sa MSU, Marawi City niadtong Domingo samtang ubay-ubay ang naangol.
Ang hepe ehekutibo miingon nga ang gobyerno nakigtambayayong karon sa rehiyonal nga gobyerno sa Bangsamoro Autonomous Region in Muslim Mindanao (BARMM) ug sa mga hingtungdan nga local government units alang sa ilang paspas nga pagtubag sa gitawag niya nga “latest assault on peace.”
Gipasaligan usab ni Marcos ang publiko nga dad-on sa hustisya ang mga naghimo niining walay hinungdan nga buhat.
Ang Presidente mihatag sa iyang pasalig ngadto sa mga lumulupyo sa Marawi City nga ang mga lakang sa seguridad gipakusog sa tibuok kampus sa unibersidad ug sa kasikbit nga mga dapit.
Ang Presidente nanawagan sa publiko nga magpabiling kalmado, mabinantayon ug makonsensya aron masiguro nga ang makalilisang nga mga panghitabo dili dugangan pa sa dili tukma, wala masusi, ug dili opisyal nga impormasyon.
Nanawagan usab ang Presidente sa publiko nga ipabilin ang mga biktima, ilang pamilya ug komunidad sa pag-ampo samtang nagkahiusa batok sa kapintasan ug ekstremismo. (ECB/PIA7-Bohol)
