Alternative Education Program ginlagdaan na bilang layi ni Presidente Ferdinand Marcos, Jr. sang Marso 3, 2025. (Photo courtesy of PND)
SYUDAD SANG ILOILO (PIA) — Makakuha na karon ang mga Filipino sang degree ukon kurso paagi sa non-traditional nga pamaagi pagkaligad nga ginpirmahan ni Presidente Ferdinand R. Marcos Jr ang layi nga nagapabakod sa expanded tertiary education equivalency and accreditation program (ETEEAP).
Ginapahanugutan sa idalum sang Republic Act 12124 ukon ETEEAP ang mga Pilipino ilabi na ang mga working professional nga makatapos sang kolehiyo para sa career advancement.
Ang ETEEAP ang magakilala, maga-assess, validate, kag maga-assign sang equivalent undergraduate-level kag special graduate programs sa prior learning humalin sa formal, non-formal, kag informal learning systems kag relevant work experiences sa mga kwalipikado nga indibidwal para mahatag ang nagakaigo nga academic degrees.
Magaserbe ang Commission on Higher Education (CHED) bilang nagapanguna nga ahensya sa pagpatuman sang ETEEAP. Kalakip sa mga buluhaton sini ang pagpahamtang sa mga higher education institution (HEIs) nga may mga academic degrees nga pagabuksan para sa ETEEAP, paghimo sang mga pagsulondan para sa nagkalainlain nga pamaagi sang pag-assess sang kasampat, values, kaalam kag lebel sang ikasarang, kag paghatag ukon pagbawi sang otoridad sang HEI sa pag-implementar sang ETEEAP.
Gintugyanan man ang CHED nga bantayan kag evaluate ang implementasyon sang ETEEAP pinaagi sa pagpahamtang sang HEIs, pagsapol sang masangkad kag inter-agency consultation meetings, kag pagtukod sang standard fees kag iban pa nga administrative charges para sa accreditation nga maga-contribute sa special account sang ETEEAP.
Agud mapat-ud ang epektibo nga pagpatuman sang ETEEAP, pagapabaskugon ang Office of Programs and Standards Development (OPSD) sa idalum sang CHED agud magserbe nga permanent technical secretariat para sa pagpatigayon sang mga ulubrahon sang panibag-o nga layi.
Ang mga pumulyong Pilipino, nagapuyo man sa Pilipinas ukon yara sa luwas sang pungsod mahimo mag-apply sa equivalency kag accreditation kung sila ang pasado sa requirements.
Ang mga aplikante ang dapat nagapangidaron 23 – anyos sa tion sang aplikasyon. Ini sila ang nakatapos sang secondary school program, gani dapat may ara sang high school diploma ukon resulta sang Philippine Educational Placement Test ukon Alternative Learning System Accreditation at Equivalency Assessment and Certification nga nagapahayag nga ang natungdan nga indibidwal ang kwalipikado magsulod sa kolehiyo.
Dapat ini sila ang may kapin lima ka tuig sang aggregate work experience sa industriya may kaangtanan sa academic degree program ukon discipline sas diin ang equivalency of learning ang ginapangita. (AAL/LAF/PIA Iloilo)
