SYUDAD SANG ILOILO (PIA) — Liwat nga ginpat-ud ni Presidente Ferdinand Marcos Jr. ang pangako sang iya administrasyon sa pagsakdag kag pagproteher sa kinamatarong sang mga kababaihan.
“The Bagong Pilipinas we are building will always advocate for women’s rights and vigorously oppose anything threatening their progress,” pahayag ni Presidente Marcos sa iya mensahe para sa International Women’s Day kag National Women’s Month.
Gindayaw sang Presidente ang kontribusyon sang mga babayi sa tanan nga bahin sang maragtas, ginahatagan pagtamod ang importante nga bahin nga ginadala sang mga kababaenhan sa paghimo sang progreso sang pungsod.
“Many of the developments we witness today can be attributed to the innumerable contributions of women across generations who fought, struggled, and advocated for various noble causes,” suno sa iya.
Ginpahayag man ni Presidente Marcos nga ang gobyerno padayon nga magapakigbahin sang sugilanon sang mga talalupangdon nga babayi sa pag-inspire sang mga lamharon nga henerasyon agud maghimo sang ila marka.
Sa nagligad nga tuig nga selebrasyon, ginpanawagan sang Presidente ang padayon nga mga pagpanikasog agud madula ang gender biases kag diskriminasyon, ilabi na ang mga marginalized nga mga komunidad.
Ginpanawagan man sini ang tanan nga mga Filipino nga maghatag sang alalangay nga oportunidad para sa mga babayi kag proteheran ang progreso nga nahimo padulong sa inclusivity kag empowerment.
“Always remember that, by amplifying the voices of women, championing their rights, and reinforcing their fundamental freedom, we, in turn, elevate entire communities and nations, propelling ourselves towards a stronger, more equitable, and more progressive world for all,” siling sang Pangulo. (AAL/LAF/PIA Iloilo)
