TAGBILARAN CITY, Bohol, Feb. 1 (PIA) — Si Presidente Ferdinand R. Marcos, Jr. misaad og desente ug barato nga pabalay atol sa groundbreaking ceremony sa usa ka housing project ubos sa Pambansang Pabahay Para sa Pilipino Housing (4PH) Program.
Ang Presidente miingon nga siya ug si Department of Human Settlements and Urban Development (DHSUD) Kalihim Jose Rizalino Acuzar nagtuon sa pagmugna og pundo aron ma-subsidize ang mga benepisyaryo nga dili makaabot sa binuwan nga amortization sa mga housing units.
“We are still left with the fact that many of our beneficiaries will still not be able to afford the monthly amortization of these units.
Naa pa gihapon nato karon ang kamatuoran nga daghan sa atong mga benepisyaryo ang dili gihapon makakaya sa binuwan nga amortisasyon niini nga mga yunit)” matud pa ni Marcos nga nagsubli sa iyang panaad sa paghatag og desente ug barato nga balay alang sa matag pamilyang Pilipino.
Matud pa sa Pangulo nga kun makakita og tinubdan sa pundo, maggahin ang gobyerno og P1 bilyon aron masugdan sa pag-apod-apod sa mga subsidyo alang sa umaabot nga mga tenant.
Samtang si Acuzar nagkanayon nga ang binuwan nga amortization mahimong ipaubos pinaagi sa tabang sa interest subsidy.
Sa maong subsidy, imbes P8,000, ang usa ka pamilya makabayad lamang og P3,500 ngadto sa P4,000.
Gipasalamatan ni Marcos ang DHSUD sa pagpanguna sa flagship housing program sa nasudnong kagamhanan, ug ang lokal nga kagamhanan sa syudad sa Quezon sa pagtanyag og yuta ug pinansyal nga kahinguhaan alang sa housing project
Giawhag usab sa Pangulo ang Kongreso nga iapil ang suporta sa interes sa pabalay isip bahin sa regular nga paggahin sa mga mosunod nga tuig.
Gipasiugda dayon ni Presidente Marcos nga ang pagpalambo sa malungtarong mga pamuy-anan sa tawo makatabang sa iyang administrasyon nga makaamgo sa tinguha niini sa pagtukod og mas maayo, mas lig-on, ug mas makiangayon nga mga komunidad. (ECB/PIA7 Bohol)
