SYUDAD SANG ILOILO (PIA) — Ginpanawagan ni President Ferdinand R. Marcos Jr. sa nanuhaytuhay nga mga natungdan nga ahensya nga pat-uron ang Implementing Rules and Regulations (IRR) sang Magna Carta of Filipino Seafarers nga nagahatag sang mabakud kag masaligan nga suporta para sa mga Filipino nga marino.
Ginhimo ni Presidente Marcos ang panawagan sa tion sang seremonyal nga paglagda sang IRR sang Akta Republika Numero 12021 sa Malakanyang.
“To the DOTr, MARINA, DOLE, DMW, and other concerned agencies, please ensure the immediate issuance of all remaining guidelines relative to the implementation of this IRR and the Magna Carta of Filipino Seafarers,” pahayag sang Presidente.
Suno pa sa Pangulo nga monitoron ang hugot nga pagpatuman sini sang tanan nga tagsakdag kag buligan ang mga marino nga i-maximize ang benepisyo nga ginahatag sini.
“Let us ensure that every provision of this law and its IRR are not just words that appear on paper but a bulwark that our seafarers can rely on,” gindugang sang Pangulo.
Gindesinyo ang IRR agud madugangan ang kaayohan kag maproteheran ang kinamatarong sang tanan nga mga Filipino nga marino nga importante sa pangkalibutanon nga industriya sang maritime kag ekonomiya sang Pilipinas.
Kalakip ang probisyon sini sang employment standards, social protection, ikaayong lawas kag kaluwasan, paghanas sang kinaadman kag suporta sa pamilya sa pagpaayo sang kalidad sang pangabuhi.
Gina-amligan man sang kasuguan ang mga Filipino nga marino pinaagi sa pagtapna sang pagpamintaha, pagtanyag sang bulig legal kag pagpaayo sang regulasyon agud magarantiya nga ang tagsa sa ila ang tratahon nga may dignidad, patas kag pagtahud, pareho sa puloy-an kag sa luwas sang pungsod.
“Para sa mga kababaihan sa maritime industry, ang IRR na ito ay ilan lamang sa mga paraan para kayo ay maprotektahan at mapahalagahan. Sinisiguro ng Magna Carta of Filipino Seafarers at IRR nito ang inyong mga karapatan laban sa diskriminasyon at pananakot,” pahayag sang Presidente.
Suno pa sa Pangulo nga ang tikang nga ini indi lamang nagabukas sang kahigayunan sa industriya, ini ang nagasalamin man sang aton dedikasyon sa mas progresibo kag mas patas nga pagsulundan sa industriya sang maritime.
Kalakip man sa mga feature sang IRR ang pagtukod sang One-Stop Shop Centers for Seafarers nga nagatuyo nga pahapuson ang proseso kag madula ang mga bureaucratic hurdle.
Bag-o magtapos ang iya pagpamulong-pulong, ginkilala sang Presidente ang daku nga kontribusyon sang mga marino sa paghatag kadungganan sa pungsod.
“Sa ating mga marino: Saan mang dako kayo ng mundo, patuloy ninyong binibigyan ng karangalan ang ating bansa dahil sa taglay ninyong kasipagan, kahusayan, at katatagan.”
“Kaya naman, sa bawat paglalayag, sa bawat paglalakbay ninyo, kami po ay nasa likod ninyo, naglilingkod upang higit na maitaguyod ang inyong seguridad, dignidad, at karapatan.” (AAL/LAF/PIA6-Iloilo/PND)
