Si Presidente Ferdinand R. Marcos Jr. uban sa mga opisyal ug personnel sa Mactan-Cebu International Airport (MCIA) atol sa inagurasyon sa MCIA Alternate Runway niadtong Enero 30, 2025. (Photo courtesy of Presidential Communications Office)
CEBU CITY, Cebu (PIA) – Aduna na unyay bag-ong runway nga magamit ang mga eroplano sa Mactan Cebu International Airport Terminal 2 kini human sa pag-abli sa ‘Alternate o Parallel Runway’ sa maong tugpahanan niadtong Enero 30.
Nahimung mas mahinungdanon ang maong proyekto kay mismong si Presidente Ferdinand R. Marcos Jr. ang nangulo sa inagurasyon sa maong ‘Alternate Runway Project.’
Ang Alternate Runway Project nga gigahinan og P2.07 billion nga pondo gisugdan niadtong Pebrero 2020 ug adunay gitason nga 2,560 meters og gilapdon nga 45 meters.
Samtang ang aeronautical survey niini gipahigayon gikan sa Mayo hangtod Huly 2023
Sa iyang mensahe, gisaysay ni Presidente Marcos nga ang kalampusan sa maong proyekto nga maoy labing una ug naginusara nga parallel runway sa nasud, resulta sa kakugi, maayong preparasyon, og makanunayon nga mga paningkamot sa nagdumala og nagpaluyo sa maong proyekto.
“As the first and only parallel runway in the Philippines, this runway is a bold leap forward. It will help in your competitiveness, in your connectivity, and in your capacity to take in visitors,” si Presidente Marcos miingon.
“For the first time in our nation’s aviation history, we embarked on a major repair of an airport’s first runway without impeding ongoing operations. It is a testament to what passion for excellence, meticulous preparation, and consistent efforts can achieve,” dugang sa Presidente.
Ang pag-abli sa Alternate Runway gilauman nga moaabag sa nagkataas nga air traffic demand, nagkadaghan nga mga pasahero ug kargamento, ug kini mosiguro usab sa padayon ug hapsay nga operasyon sa airport sa panahon nga adunay motumaw nga mga emergencies, maintenance, og runway closures.
Dugang sa Presidente nga sa tuig 2028 ang parallel runway mahimung dungan nga magamit sa original runway nga mopataas sa passenger capacity nga ma serbisyohan ngadto na sa 18 milyon nga mga pasahero matag tuig.
“By 2028, we expect the alternate – the parallel runway to be used simultaneously together with the original runway, ensuring greater efficiency and capacity to meet the demands of a rapidly evolving and growing aviation industry,” sigon ni Presidente Marcos.
“With two runways running full-time, the airport will now be – will have the capacity, the capability to cater up to 18 million passengers a year,” dugang niya.
Matod usab ni Presidente Marcos nga ang maong alternate runway sa MCIA misimbolo sa walay hunong nga pagdasig sa Cebu nga makakonektar og padayun nga molambo isip sentro sa pamatigayon og turismo sa Visayas.
“This new runway at the Mactan-Cebu International Airport reflects the very essence of Cebu: it is dynamic, promising, and always ready to take on challenges. And just as Cebu has been a center of trade and tourism, this parallel runway symbolizes the unrelenting drive to connect, and to grow, and to lead,” saysay sa Presidente.
Ang MCIA mao ang ikaduhang pinakadako nga airport sa tibuok nasud, ug nagserbisyo sa ganghaan sa rehiyon sa Central Visayas. (RGC/PIA7 Cebu)