Philippine Army 3ID gindayaw mga binuhatan sang Special Task Group batok sa terrorist financing

SYUDAD SANG ILOILO (PIA) — Gindayaw sang 3rd Infantry (Spearhead) Division sang Philippine Army ang Special Task Group on Countering CTG Resource Generation for Region 6 (STG-CCRG) bangud sa ila mga binuhatan lakip na ang filing sang terrorism financing cases batok sa Communist Terrorist Group (CTG)-affiliated nga mga organisasyon sa rehiyon.

Arestado ang tatlo ka indibidwal base sa warrants  nga ginserbe sang RTC Branch 31 sa Iloilo City bangud sa paglapas sang Anti-Terrorism Financing Law. Ang ini nga operasyon nagapakita sang pangako sang JRTF-ELCAC 6 kag STG-CCRG sa pagsakdag sang rule of law kag pagsiguro sang kaluwasan kag seguridad sang mga pumuluyo sa Western Visayas.

Ginakilala sang 3ID  ang “insidious nature”  sang terrorist financing network, nga nagahulag paagi sa front organizations nga nagapakuno-kuno bilang lehitimo nga mga organisasyon. Ang ini nga mga grupo, masami nga ginatago ang matuod nga intensyon, ginahingalitan ang pareho nga internasyonal kag lokal nga sources para maghatag sang mga materyal, pinansyal, kag logistical nga suporta para magsustenar sang mga  “terroristic” nga  aktibidad sang CTG kag gamiton ang mga komunidad sa mga malayo nga lugar.

Suno sa 3ID, paagi kay Major General Marion R. Sison, ang pag-aresto kag padayon nga prosekusyon sang mga nalakip sa terrorism financing amo ang mga importante nga tikang sa pag-establisar sang state of Stable Internal Peace and Security (SIPS) sa  rehiyon.

Dugang pa diri, malig-on ang pangako sang 3ID sa pagsuporta sang mga pagpaningkasog sang gobyerno  para tapuson ang lokal nga communist armed conflict.

“Let’s continue to work together and finish the fight against terrorism financing. By this, we can bring the CTG to its ultimate end. Through our continued cooperation, collaboration and resolute dedication, we can put an end to this menace and establish a Stable internal Peace and Security environment in this region,” siling ni Sison. (AAL/AGP/PIA 6 kalakip ang mga balita gikan sa Philippine Army Spearhead Troopers)

In other News
Skip to content