TINGNAN: Pinirmahan na ni Department of Social Welfare and Development Sec. Erwin Tulfo ang pagububo ng technical working group na mangangasiwa sa pagtatatag ng Implementing Rules and Regulation (IRR) ng Republic Act No. 11861 o ang Expanded Solo Parent Welfare Act, nitong Martes, Agosto 9, 2022. 

Matatandaang nag-lapse into law ang R.A. 11861, noong Hunyo 4, 2022, matapos itong hindi mapirmahan ni dating Pangulong Rodrigo Duterte bago bumaba sa kanyang puwesto. 

Samantala, target ng kagawaran maipamahagi ang mga benepisyo ng mga solo parent sa darating na buwan ng Disyembre o mas maaga pa. (PIA-NCR)