GINGOOG CITY, MISAMIS ORIENTAL (PIA) — Gipahigayon sa Dakbayan sa Gingoog ang pinakaunang Invictus Football Festival, nga gipagunahan ni Invictus FC President Orlan Joseph Paguio ug City Sports Coordinator Tedd Julius Javier.
Ang aktibidad gipahigayon niadtong Nobyembre 18-19, 2023 sa Villahermosa Lot ug kini gisugdan pinaagi sa kick-off nga gipangunahan ni COS Dr. Sheri Love M. Aguiman uban ni CMORFA Chief Referee Reno Neri. Tumong niini nga mapromotar ang panaghiusa, sportsmanship, panaghigalaay, ug ang paghatag og importansya sa sports sa mga kabatan-onan dili laman sa dakbayan sa Gingoog. Adunay napulo (10) ka kategorya nga sa football festival diin lain-laing teams ang niapil gikan sa Rosevale FC (CDO), Xavier University FC (CDO), Pinutos FCA (Bukidnon), La Salle (Iligan), Amparo FC (Butuan), Higala FC CDO, Youngsters CDO, Uptown A&B, Celestial FC Bukidnon, GCC Valicyrie Vikings, Catuan United, Invictus United, United Malangka, CKC FC, ug DRBCS FC Gingoog.
Pinaagi sa football festival, positibo si Mayor Cañosa nga nahatagan og katumanan ang pagpauswag sa sports sa Gingoog ug nahatagan usab og oportunidad nga mapasigarbo ang talento sa mga atleta ug sports enthusiasts.
Anaa usab sa maong kalihokan si Tournament Manager Coach Alvin Dalauta, CDO Referee Rigo Polinar, Manolo Fortich Referee Glenn Abuzo, CMORFA General Secretary Coach Don Lazo, coaches, ginikanan, ug uban pang mga personahe. (Gingoog CIO/PIA Misamis Oriental/IJBDayo)
Gipahigayon sa Dakbayan sa Gingoog ang pinakaunang Invictus Football Festival. (Gingoog CIO)
