DAVAO CITY (PIA)– Anaa sa 59 ka ingon na mga POGO workers ang gi-aresto sa National Bureau of Investigation (NBI) kinsa nag-raid sa usa ka giingong POGO HUB sa Brgy. Manay Panabo City kaganinang alas dos sa kadlawon, Dec. 6, 2024.
Apil sa gidakop ang 55 ka Chinese national, tulo ka Malaysian national ug isa ka Pilipina. Nasorpresa ang mga otoridad sa nadiskubre nga POGO HuB kay anaa kini sa sulod sa usa ka compound.
Sa initial na impormasyon anaa na sulod sa 3 buwan nga nag-operate ang maong POGO HuB.
Nakumpiska sa mga otoridad ang lain laing klaseng passport, ID, cellphone, armas, posas ug baseball bat.
Matud pa ni NBI XI Atty. Arcelito C. Albao nakipag-alayon na sila sa Bureau of Immigration kabahin sa mga kaso nga atubangon sa mga na-aresto.( PIA XI, ETI)
