NABUNTURAN, Davao de Oro, November 29 (PIA) – – Dala ni Presidente Ferdinand R. Marcos Jr. ang daghang bilateral nga mga kasabutan human sa iyang “mubo apan produktibo” nga pagbisita sa United Arab Emirates (UAE).
Nagmalaumon ang Presidente sa malampuson nga pagpatuman sa mga kasabutan uban sa UAE sa Pilipinas.
“I look forward to the implementation of several bilateral agreements in culture, energy transition, legal cooperation, artificial intelligence and digital economy, the improvement of government activities, visa waiver for holders of diplomatic, special, and official passports, and investment cooperation,” matud pa ni Presidente Marcos.
Nagpahigayon ug usa ka adlaw nga working visit si Presidente sa UAE niadtong Nobyembre 2024 atol sa ika-50 nga anibersaryo sa “very strong and friendly, and rapidly progressing” diplomatic relations tali sa Pilipinas ug UAE, nga natukod niadtong Agosto 19, 1974.
Atol sa iyang pagbisita, nagpahayag si Presidente Marcos og bag-ong pagsalig gobyerno sa Pilipinas ngadto sa UAE, samtang gipa-abot sab niya ang tinguha nga pagpalig-on sa bilateral nga relasyon tali sa UAE, ug pagpalapad sa pakiglambigit niini.
Gihinumdoman niya ang iyang mabungahon nga pakigtagbo sa Presidente sa UAE nga si Sheikh Mohamed bin Zayed Al Nahyan, nga nagpasiugda sa pagrespeto sa usag usa ug pagtinabangay.
“I expressed the appreciation of the Philippines for UAE government’s care and respect for the Filipino community in the UAE. In response, the UAE President commended the Filipino people for their contributions towards UAE’s development,” si Presidente Marcos miingon.
Gipadayag sab ni Presidente Marcos ang iyang pasalamat kang Presidente Sheikh Al Nahyan sa iyang pagsabot sa mubo nga pagbisita, tungod kay ang Presidente kinahanglan nga personal nga modumala sa tabang sa gobyerno ngadto sa mga komunidad nga naapektuhan sa bagyo sa Pilipinas.
Buot sab sa President nga susihon ang mga paningkamot sa gobyerno sa pagtukod pag-usab sa mga apektadong komunidad.
Gipasalamatan usab niya ang gobyerno sa UAE alang sa kanunay nga makatawhanong suporta alang sa mga biktima.
Mipaabot pud ang Presidente sa usa ka imbitasyon kang Sheikh Mohamed nga mobalik sa Pilipinas aron ipadayon ang ilang dayalogo ug aron tukion ang dugang mga bahin sa kooperasyon. (PND/Translated by JSD/MLU)
