Georgia

No. of :

No. of Shares:

Currently viewed by: Marcus Rosit

Kapin 200,000 nabakunahan na sa CDO

CAGAYAN DE ORO CITY (PIA)--Muabot na sa 204,098 ang nabakunahan batok COVID-19 sa nagpadayon nga vaccination rollout sa Cagayan de Oro, diin 65,748 ang nakakompleto sa second dose ug 138,350 usab ang natupokan sa first dose.

Mapasalamaton si Mayor Oscar S. Moreno sa CDO vaccination team ingon man sa hugot nga suporta sa Department of Health ug pribadong sector aron makab-ot ang 'herd immunity' sa syudad.

Niadtong Agosto 3, natala ang pinakataas nga ihap sa nabakunahan sa matag vaccination sites sulod lamang sa usa ka adlaw nga anaa sa 6,457.

Sa maong adlaw, 1,416 ang nabakunahan sa SM Downtown, 1,165 sa Robinsons ug 1,142 sa Limketkai, lakip ang 619 persons deprived of liberty kon PDLs.

Sa Department of Health/Northern Mindanao Medical Center (DOH/NMMC)-managed vaccination site sa Centrio Ayala Mall, 1,740 vaccinees ang natupukan.

Samtang sa pribadong sektor, nabakunahan usab ang 97 ka mga empleyado sa San Miguel Corporation diha sa vaccination site sa Capitol University Medical Center ug 278 ka miyembro sa Filipino-Chinese Chamber of Commerce and Industry Inc. ang nabakunahan sa Polymedic Medical Plaza. (CDO CIO/RTP)

Nagpadayon ang vaccination rollout sa Cagayan de Oro, diin 65,748 ang nakakumpleto sa second dose ug 138,350 usab ang natupukan sa first dose. (CDO CIO)

About the Author

Recthie Paculba

Regional Editor

Region 10

Camiguin Information Center Manager 

Feedback / Comment

Get in touch