Georgia

No. of :

No. of Shares:

Currently viewed by: Marcus Rosit

544 ka residente sa Tagbongabong, RTR nahatagan og mahigugmaong pag-amoma sa laing AguSerbisyo nga gihimo

DAKBAYAN SA BUTUAN -- Mosuma sa 544 ka pamilya ang napadangtan og nagka lain-laing serbisyo sa “AguSerbisyo Caravan” sa probinsya kaniadtong Byernes sa Tagbongabong, RTR, Agusan del Norte.

Ang “AguSerbisyo” gihimo ubos sa sa Amomang Agusanon Flagship Program sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kong. Angel Amante-Matba.

Subay usab kini sa EO 70 o ang “The Whole of Nation Approach” diin ang tanang ahensya magtinabangay aron mapaabot ang nagkalain-laing serbisyo ngadto sa komunidad ilabina sa hilit nga sitio.

Sa iyang mensahe, gipadayag ni Gob. Corvera nga buot niya nga pinaagi sa “AguSerbisyo” mabati sa katawhan sa Tagbongabong, RTR ang pag-amoma sa gobyerno.

“Karong adlawa nagdala ta og mga serbisyo. Nia tanan ang departamento sa probinsya para mahatag kaninyo ang serbisyo,” sumala ni Gob. Corvera.

“Kay gusto nako mga kaigsuoan, nga ang katawhan maka tagamtam gyod og unsa diay ang serbisyo sa gobyerno kung naa ta talewala sa kalinaw,” dugang sa gobernador.

Ang mga serbisyo nga napadangat sa mga lumulupyo mao ang mosunod:

Nakapadangat ang buhatan sa Provincial Health Office (PHO) sama sa Konsulta, Dental, Moskitero, Tuli, Bloodsugar testing, Dental Services ug Family Planning.

Ubos sa Provincial Social Welfare and Development Office (PSWDO) nang apod-apod og mga medisina, eyeglasses, food packs, ug Packlunch 1,300.

Ang Provincial Disaster Risk Reduction Management Office (PDRRMO) nagpadangat og pagbansay og Basic Life Support, CPR, Bandaging pinaagi sa pag demonstrate sa mga Young Adnert.

Gi turn-over usab sa barangay ang 500 ka semilya sa Mahogany ug 100 ka lambog gikan sa Environmental and Natural Resource Division. 

Naay usab 5,000 Tilapia fingerlings ug assorted vegetable seeds sa Provincial Agriculture Office (PAO), 10 tubes ice cream gikan sa Provincial Governor’s Office isip pahalipay sa mga kabataan, used clothes ug buntis kits gikan sa Agusan Up Coordinating Center. 

Nagpahigayon usab ang Provincial Veterinary Office og basic veterinary health services (animals), konsultasyon ug nang apod-apod og medisina sa tanang klase sa hayop sama sa water soluble vitamins ug dewormers. 

Pinaagi sa probinsyal nga buhatan sa Technical Education and Skills Development Authority [TESDA] nahimo usab ang community-based training sa mosuma nga 140 ka indibidwal ug napadangat kanila ang mga starter toolkits.

Mitambong usab sa maong kalihukan sila si Provincial Administrator Gerry Joey S. Laurito, Mayor Richard Daquipil ug Vice Mayor Eleuterio Enriquez sa RTR, BGen. George L. Banzon, Jr. Commanding Officer sa 901st Brigade, PCol Martin Gamba Provincial Director sa ADN-PPO, Regional Director Tarhata Mapandi ug PD Rey Cueva sa TESDA, PLtCol Ritchie M. Yatar sa Provincial Mobile Force Company [PMFC]-ADN, PMAJ John Alexis Basañez sa Special Action Force (SAF) ug LTC Emerson De Vera, Battalion Commander sa 65th Infantry Battalion.

Anaa usab ang mga hepe sa nagka lain-laing opisina sa kapitolyo PHO, PSWD, PDRRMO, PAO, PPDO, MIS, ENRD, PVET, PTO, opisyales sa munisipyo sa RTR, mga personahe sa 901st Brigade, 65th IB ug PNP.  (Shena Mae Pabia ug Sonny Montilla, LGU Agusan del Norte/PIA Agusan del Norte)

About the Author

Nora Lanuza

Approver

CARAGA

Feedback / Comment

Get in touch