Georgia

No. of :

No. of Shares:

Currently viewed by: Marcus Rosit

P3k cash subsidy nadawat sa mga PWD sa Dipolog

DIPOLOG CITY, Zamboanga del Norte, Dec. 24 (PIA) - Hayan nga magmalipayon ang pagsaulog sa Pasko sa mga Persons with Disability (PWD) dinhi sa dakbayan sa Dipolog, kini tungod kay sila nakadawat na sa ilang tinuig nga subsidy gikan sa kagamhanang lokal sa Dipolog nga mikantidad og Php3,000.00 matag usa.

Nasayran nga buntag sa Disyembre 23 ning tuiga, ang dose ka mga barangay sa Dipolog nga naglangkob sa Cogon, Diwan, San Jose, Sinaman, Sangkol, Sta. Filomena, Sta. Isabel, Lugdungan, Galas, Miputak, Olingan ug Punta ang  gipahigayonan sa payout. Dunay kinatibuk-ang 565 ka nga PWD ang nahisgutan nga mga barangay.

Samtang ang mga PWD usab sa siyam ka mga barangay nga naglangkob sa Biasong, Dicayas, Estaka, Minaog, Barra, Central, Gulayon, Sicayab ug Turno ang makadawat pagkahapon, kini mi suma-total sa 596 ka mga benepisyaryo.

Si Mayor Darel Dexter T. Uy kauban nila ni Ms. Arlene Jatico, City Social Welfare and Development Officer (CSWDO) ug konsehal Atty. Roger Asprer ang miduyog sa mga PWD atol sa gipahigayon nga payout  didto sa Turno Mini Gym.

Gipasalamatan ni Ms. Jatico si Mayor Uy ug si konsehal Asprer tungod kay wala niini pasagdi ang mga PWD ning dakbayan ug gihatagan kini og importansiya sa nasangpit nga kadagkoan pinaagi sa pagtabang kanila sa pinansiyal nga aspeto. (NBE/EDT/PIA9-Zamboanga del Norte/photos and details by CIO-Dipolog/CIO-Ltd)

About the Author

Emmanuel Taghoy

Regional Editor

Region 9

Emmanuel Dalman Taghoy is the Information Center Manager of the Zamboanga del Norte Information Center and Executive Assistant for Regional Operations of the Philippine Information Agency IX, the country’s chief information arm under the Office of the President. PIA’s expertise is development communication.

He is the Regional Editor of PIA-IX who also writes news and feature stories for the agency’s website and other social media platforms. He also reports for PTV news.

As the InfoCen Manager for Zamboanga del Norte, he represents PIA in inter-agency meetings and other activities, providing media coverage and other technical assistance to partner agencies.

Having been trained locally and abroad, he serves as lecturer on journalism, public and media relations, social media handling and promotion, among others.

Feedback / Comment

Get in touch