Georgia

No. of :

No. of Shares:

Currently viewed by: Marcus Rosit

Maabot 3,900 nga senior citizens sa Catarman makarawat san social pension para sa tuig 2022

CATARMAN, Northern Samar -- Ginbubuhat sa Catarman an payout san social pension para sa indigent senior citizens.

An upat ka adlaw nga aktibidad nagtikang san Miyerkules, Hulyo 27, tubtob sa Sabado, Hulyo 30, didto sa duha nga gintalaan nga lugar sa Catarman nga mao sa Catarman Freedom Park ug sa Municipal Covered Court.

Maabot sa 3,900 nga indigent senior citizens tikang sa 55 nga barangays sa Catarman an makarawat san ira P500 kada bulan nga pensyon para sa Enero ngadto sa Hunyo 2022.

Ighahatag liwat an pension san waray pa makakubra san last quarter o Oktobre ngadto sa Disyembre san tuig 2021.

Gindudumara ini nga payout san DSWD regional office personnel, kabulig an Municipal Social Welfare and Development Office (MSWDO) san Catarman.

An Social Pension for Indigent Senior Citizens in program san gobyerno pinaagi san Department of Social Welfare and Development (DSWD). (CMIO)

About the Author

Ailene Diaz

Writer

Region 8

Feedback / Comment

Get in touch