Georgia

No. of :

No. of Shares:

Currently viewed by: Marcus Rosit

Sementong kalsada sa Sitio Balatakan sa Buenavista, pundohan og P200M

DAKBAYAN SA BUTUAN -- Matuman na ang pagpa-semento sa dalan sa Sitio Balatakan, Barangay Guinabsan sa lungsod sa Buenavista, Agusan del Norte human kini gi-anunsyo ni Agusan del Norte Provincial Governor Ma. Angelica Rosedell M. Amante, sa adlwang Lunes atol sa 60th Araw ng Guinabsan nga pundohan og Php200 million sa nasyonal nga panggamhanan ang nasangpit nga dalan. 

Mahinumduman nga gisaad kini ni Gob. Angel Amante ug ni kanhing gobernador Dale B. Corvera nga Kongresista na karon ang maong proyekto human kini gihangyo sa mga lumulupyo sa Sitio Balatakan atol sa nahitabong “AguSerbisyo” o immersion nga gihimo sa maong hilit nga lugar sa milabay’ng tuig. 

Sa maong selebrasyon, gibutyag sa gobernador nga mitawag sa iyaha ang personahe sa opisina sa Senate President of the Philippines sa pagpangulo ni Juan Miguel Zubiri ug gikataho nga apil kini pundohan nga proyekto sa tuig 2023. 

“Sa Guinabsan, naa natay masulbad. Akong pasabot sa inyo, ang mga lider nga naka lingkod ninyo karon, apil nako, apil si mayor, gumikan na sa inyo. Dili siguro tanan masulbad dayon pero maningkamot gyud mi nga kung unsa amung nabuhian, amu ng tumanon” pasabot ni Gob. Amante. 

Hangyo ni Gob. Amante sa lumulupyo sa Brgy. Guinabsan ang ilang kooperasyon sa mga gipatuman nga mga programa ug aktibidades sa mga lideres nga gihimo alang kanila tungod alang sa gobernador, daku kini nga tabang nga molambo ang usa ka barangay ingon man ang probinsya kung mag tinabangay ang tanang residente.

Usa sa mga programa nga gikampanya karon sa probinsya nga mabakunahan og booster shots batok covid-19 ang 80% sa kinatibuk-ang populasyon sa lalawigan. Niini, gi-awhag ni Gob. Amante nga magpabakuna na ang tanang lumulupyo sa maong barangay. Gi-anunsyo usab sa gobernador nga tagaan og Php50K ang usa ka purok sa Brgy. Guinabsan sa pinaka unang mapataas ang ilang vaccination percentage sa una ug ikaduha nga booster shots isip kabahin sa contest sa maong selebrasyon. 

Gipasabot usab ni Gob. Amante ang kamahinungdanon niining bakuna tungod daku kaayo ni nga tabang aron mahimong protektado ang katawhan batok COVID-19. 

Sa susamang adlaw, nagpahigayon ang probinsyal nga panggamhan sa Agusan del Norte og medical mission, vaccination drive ug pagpadangat og food packs ngadto sa napulo (10) ka purok sa nasangpit nga barangay. 

Ang maong selebrasyon mahuman sulod sa tulo ka adlaw nga nagdala sa tema nga “Ang pagrespito ug panaghiusa maoy tinudban sa kalinaw ug kalamboan.” (Karen Decamotan, hulagway kuha ni RFA, LGU Agusan del Norte/PIA Agusan del Norte)

About the Author

Nora Lanuza

Approver

CARAGA

Feedback / Comment

Get in touch